Almaniyada təhsil

Təhsil keyfiyyəti və həyat standartlarında üstünlüyü ilə seçilən Almaniya bütün dünyada olduğu kimi Azərbaycanda da tələbələrin ən çox seçdiyi ölkələr sırasındadır. Zəngin tarixi, köklü universitetləri və innovativ tədqiqat imkanları ilə məşhur olan Almaniya akademik və şəxsi inkişaf üçün unikal imkanlar təqdim edir.

Almaniyanın ən məşhur universitetləri hansılardır?

(mənbə: https://www.topuniversities.com/university-rankings-articles/world-university-rankings/top-universities-germany)

Almaniyada ən çox seçim olunan ixtisaslar hansılardır?

Hər il dünyadan və Azərbaycandan yüzlərlə tələbə müxtəlif ixtisaslar üzrə Almayaya qəbul alır və araşdırmamıza əsasən ən çox seçim olunan TOP-5 istisası aşağıda qeyd edirik:

1.   Mühəndislik və texnologiya: Almaniyanın dünyaca məşhur mühəndislik proqramları var ki, bu da tələbələrə yükək keyfiyyətli təhsil almaq və bu sahədə yaxşı kariyera qurmaq imkanları verir. Bu iş imkanları ölkə daxili olmaqla yanaşı qlobal iş həyatı üçün də üstünlüklər qazandırır.
2.   Biznes və idarəetmə: Almaniya dünyaca məşhur biznes və idarəetmə məktəblərinə ev sahibliyi edir. Almaniyada biznes təhsili sənaye təcrübələri, praktik layihələr və liderlik bacarıqlarını inkişaf etdirən interaktiv dərsləri əhatə edir ki, bu dərsləri aldıqdan sonra tələbələr beynəlxalq iş imkanlarını rahatlıqla əldə edə bilirlər. İş imkanlarına həm də Almaniyanın güclü iqtisadiyyatı və beynəlxalq şirkətlər üçün mərkəz olması da təsir edir. Belə ki, Almaniyanın güclü iqtisadiyyatı və beynəlxalq şirkətlər üçün mərkəz olması biznes və idarəetmə məzunları üçün müxtəlif karyera imkanları təklif edir.
3.   Elm və texnologiya: Almaniya elm və texnologiya sahəsində innovativ işləri ilə tanınır və beynəlxalq tələbələr üçün cəlbedici akademik mühit təklif edir. Bu sahədə təhsil almaq tələbələri tədqiqat imkanları, laboratoriya imkanları və ixtisaslı müəllim heyəti ilə təmin edir. Almaniyada elm və texnologiya təhsili tələbələrə problem həll etmə bacarıqları, yaradıcı düşüncə və qlobal əlaqələr qurmaq bacarığı verir.
4.   Tibb və səhiyyə elmləri: Almaniya yüksək keyfiyyətli səhiyyə və tibb təhsili ilə tanınır. Tibb və sağlamlıq elmlərini öyrənmək tələbələrə beynəlxalq səviyyədə tanınan dərəcə və klinik təcrübə imkanı təqdim edir. Almaniyada tibb təhsili müasir tibbi texnologiyaya çıxış, xəstə mərkəzli qayğı və tədqiqat imkanları ilə dəstəklənir. Bundan əlavə, Almaniyanın tibb sisteminin beynəlxalq nüfuzu olması məzunlar üçün qlobal karyera imkanlarını da artırır.
5.   Sosial və humanitar elmlər: Almaniya sosial və humanitar elmlər sahəsində zəngin akademik tarixə malik universitetlərə sahibdir. Bunlara Heidelberg Universiteti, Humboldt Universiteti Berlin, Freie Universität Berlin kimi geniş humanitar və sosial elmlərə aid proqramları olan köklü universitetləti aid edə bilərik.

Almaniyada bakalavr təhsili

Almaniyada bakalavr təhsili adətən 4 illik olur və bu müddət ərzində tələbələr həm akademik bilik və praktiki təcrübə əldə edirlər. Lakin bəzi ixtisaslar üzrə, daha dəqiq desək, dil və ədəbiyyat sahələrində tədris proqramdan aslı olaraq 3-4 illik, tibbə aid ixtisaslarda təhsilin müddəti isə 6 il və sahədən aslı olaraq 3 illik ola bilər.

Almaniyada bakalavr tədris pilləsinə qəbul üçün tələb olunan sənədlər:

Attestat: Almaniyada bakalavr təhsili almaq üçün lazım olan əsas sənədlərdən biri attestatdır.  

Attestatın transkripti: Orta məktəbdə alınan bütün ballar və ortalama balınızın qeyd olunduğu transkript. Transkriptin not ortalaması 4 ballıq sistemlə 1.9-2.6 aralığında olmalıdır.

Xarici dil biliyi. Almaniyanın bakalavr tədris proqramına qəbul üçün proqramın tədris dilindən aslı olaraq alman dili üçün DSH, TestDAF və ya ingilis dili sertifikatlarınız olmalıdır. İngilis dili üçün TOEFL 80-100 arası, yaxud da IELTS üçün 6-6.5 aralığında bal tələb olunur.

Qeyd edək ki, həm transkript, həm xarici dil notları proqramın tələbindən aslı olaraq dəyişə bilər.

Motivasiya məktubu: Bəzi universitetlər tələbənin gələcək məqsədlərini və nə üçün müvafiq bakalavr proqramında iştirak etmək istədiyini izah edən motivasiya məktubu tələb edə bilər.

Tərcümeyi-hal (CV): Tələbənin təhsil keçmişini, təcrübələrini, bacarıqlarını və maraqlarını əks etdirən CV təqdim etməsi lazımdır.

Referans: Bəzi bakalavr proqramları tələbənin akademik bacarıqlarını qiymətləndirmək üçün istinad məktubları tələb edə bilər.

Bu sənədlərə əlavə olaraq, bəzi proqramlar və universitetlər əlavə sənədlər də tələb edə bilərlər.

(mənbə: https://www.edupark.com.np/undergraduate-studies/admission-requirements)

Almaniya universitetlərində ən məşhur bakalavr proqramları:

(Mənbə: https://www.iienstitu.com/)

Attestatla qəbul olan Almaniya universiteti: EU Business School

EU Business School orta məktəb məzunlarını attestatla bakalavr tədris pilləsinə qəbul edən universitetdir. Bakalavr pilləsilə bərabərmər universitetin magistratura və doktorantura tədrisinə qəbul proqramları olur.

EU Business School-a il ərzində 3 dəfə qəbul olur: Oktyabr, Yanvar və Mart aylarında.

Attestatla qəbul üçün EU Business School-da olan bakalavr proqramları:

• BBA – Biznesin idarə edilməsi: Bu proqram tələbələri idarəetmə rollarına və sahibkarlıq cəhdlərinə hazırlayan biznes və idarəetmə prinsipləri üzrə hərtərəfli əsas təklif edir.
• BA – Rəqəmsal ünsiyyət: Rəqəmsal ünsiyyətin strateji və yaradıcı aspektlərinə diqqət yetirir, tələbələri rəqəmsal mənzərə ilə səmərəli məşğul olmaq bacarıqları ilə təchiz edir.
• BA – İstirahət və turizm idarəçiliyi: Bu proqram tələbələri idarəetmə bacarıqları və sənaye anlayışlarını vurğulayaraq istirahət və turizm sənayesində karyeraya hazırlayır.
• BA – Beynəlxalq münasibətlər: Qlobal siyasətə və beynəlxalq münasibətləri əhatəli öyrədir, tələbələri diplomatiya, beynəlxalq təşkilatlar və digər sahələrdə karyeraya hazırlayır.
• BA – İdman menecmenti: İdman sənayesi anlayışları ilə idarəetmə prinsiplərini birləşdirərək idmanın biznes tərəfi ilə maraqlananlar üçün hazırlanmış proqramdır.
• BA – Rəqəmsal biznes, dizayn və innovasiya: İnnovativ dizayn və strateji rəqəmsal biznes modellərini vurğulayaraq rəqəmsal texnologiya və biznesin kəsişməsinə diqqət yetirir.
• BS – Biznes maliyyəsi: Maliyyə prinsipləri və təcrübələrində güclü təməl təmin edir, tələbələri maliyyə, bankçılıq və investisiya sahəsində karyeraya hazırlayır.
• BA – Biznes üçün Süni intellekt: Tələbələri biznesdə süni intellekt tətbiqləri haqqında biliklərlə təchiz etmək, innovasiyaları və AI texnologiyalarından strateji istifadəni təşviq etmək üçün nəzərdə tutulmuşdur.

EU Business School-a müraciət prosesində lazım olan sənədlər:

• Doldurulmuş ərizə forması
• Orta məktəb attestatı və transkript
• İngilis dili biliyi sertifikatı (TOEFL, IELTS və s.)
• Motivasiya məktubu
• Tərcümeyi-hal (CV)
• Pasport fotoşəkili
• Etibarlı pasport və ya şəxsiyyət vəsiqəsinin surəti

Bu sənədlər universitetin təklif etdiyi proqramdan aslı olaraq dəyişə bilər də bilər.

(mənbə: https://www.eumunich.com/en/munich/EU-Munich.html)

Almaniyada magistr təhsili

Almaniyada magistr proqramlarının müddəti adətən iki il, yəni dörd semestrdir. Bu müddət proqramın məzmunundan və tələblərindən asılı olaraq dəyişə də bilər.

2 illik müddətin 3 semestrı tədris, son semestrı isə dissertasiya üçün ayrılır.

Almaniyada magistratura tədris pilləsinə qəbul üçün tələb olunan sənədlər:

• Bakalavr diplomu və transkriptlər: Bakalavr təhsilinizi, keçdiyiniz kursları və qiymətlərinizi göstərən rəsmi sənədlər.
• Motivasiya məktubu: Müraciət etdiyiniz proqramı niyə seçdiyinizi və niyə bu sahədə irəliləmək istədiyinizi izah edən məktub.
• Tərcümeyi-hal (CV): Təhsil keçmişinizi, iş təcrübənizi, bacarıqlarınızı və digər mühüm nailiyyətlərinizi özündə əks etdirən ətraflı CV.
• Referans: Sizi akademik və/və ya peşəkar olaraq dəstəkləyən referans məktub. Bunu bakalavr müəllimləriniz və ya işləmisinizsə, işəgötürən tərəf sizin haqqınızda yaza bilər. adətən akademik məsləhətçiləriniz və ya işəgötürənlərinizdən.
• Dil bilgisi sertifikatı: Proqramın tədris dili Alman dilidirsə, TestDaF və ya DSH kimi alman dili biliyi testinin nəticəsi. İngilis dili olarsa, TOEFL və ya IELTS kimi ingilis dili biliyi testinin nəticəsi.
• Tədqiqat təklifi və ya layihənin xülasəsi: Tezisli magistr proqramları üçün araşdırmaq istədiyiniz mövzunu və izləyəcəyiniz metodu izah edən təklif (bu tələb proqramdan asılı olaraq dəyişə bilər).
• Şəxsiyyət vəsiqəsinin surəti: Şəxsiyyətinizi təsdiq edən sənədin notarial təsdiqlənmiş sürəti.

(Mənbə: https://www.pvkeduconsultants.com/checklist-for-germany/)

Almaniya universitetlərində ən məşhur magistratur proqramları:

• İctimai səhiyyə (MPH)
• Biotibbi elmlər
• Klinik tədqiqatlar
• Tibbi etika
• Neyrologiya
• Sağlamlığın idarə edilməsi
• Beynəlxalq biznes (MIB)
• İdarəetmə
• Avropaşünaslıq
• Sahibkarlıq risklərinin idarə edilməsi
• Təchizat zəncirinin idarə edilməsi
• Fəlsəfə, siyasət və iqtisadiyyat
• İnşaat mühəndisliyi
• Mühəndislik
• Dizayn
• Elektrik mühəndisliyi
• Sosiologiya və sosial tədqiqat
• Maliyyə
• Avtomobil Sistemlərində Meng və s.

(Mənbə: https://ankastudy.com/almanyada-yuksek-lisans/)

Almaniyada doktorantura təhsili

Almaniyada doktorantura proqramlarının müddəti 3 ilə 5 il arasında dəyişir. Bu müddət tədqiqat sahəsindən, layihənin həcmindən və tələbənin iş tempindən asılı olaraq dəyişə bilər. Eyni zamanda fərdi tədqiqat layihələri üzrə irəliləyiş tempi və məsləhətçi ilə qarşılıqlı əlaqə də proqramı başa çatdırmaq üçün lazım olan vaxta təsir edə bilər. Bu səbəbdən doktorantura təhsili 5 ildən artıq da çəkə bilər.

Almaniyada doktorantura tədris pilləsinə qəbul üçün tələb olunan sənədlər:

Almaniyada doktorantura üçün tələblər və müraciət sənədləri seçdiyiniz müəssisə və tədqiqat sahəsinə görə dəyişəsə də, lazım olacaq əsas sənədlər bunlardır:

• Almaniyada tanınan elmi dərəcə. Almaniyanın PhD proqramına uyğun olmaq üçün magistr dərəcəsinə və ya Alman dövlət imtahanına (Staatsexamen) ehtiyacınız olacaq.
• Magistrlik dissertasiyasının surəti. Tədqiqat bacarıqlarınızı və akademik işinizi detallarına qədər əks etdirən magistr dissertasiyasının surəti.
• Tədqiqat təklifi. Nəzərdə tutulan tədqiqat mövzusunu, məqsədlərini, metodologiyasını və əhəmiyyətini əks etdirən aydın və hərtərəfli tədqiqat təklifi.
• Motivasiya məktubu. Seçdiyiniz sahədə nə üçün doktorluq dərəcəsi almaq istədiyinizi, akademik və karyera məqsədlərinizi və bu proqramın istəklərinizlə necə uyğunlaşdığını izah edən məktub.
• CV. Akademik nailiyyətlərinizi, tədqiqat təcrübənizi, müvafiq kurs işinizi, nəşrlərinizi və hər hansı digər keyfiyyətlərinizi vurğulayan ətraflı CV.
• Dil biliyinin sertifikatı. Tədris dilindən (adətən alman və ya ingiliscə) asılı olaraq, dil biliyin təsdiqi üçün sertifikat mütləqdir. Alman dili üçün TestDaF və DSH, İngilis dili üçün TOEFL və IELTS tələb oluna bilər.
• Akademik referans. Akademik qabiliyyətlərinizi və tədqiqat potensialınızı təsdiqləyən professor və ya akademik məsləhətçilərin sizin haqqınızda yazdığı tövsiyə məktubu. 
• Predoktoral yoxlama. Bəzi proqramlar müraciət prosesinin bir hissəsi kimi sizdən doktorluq imtahanından keçməyinizi tələb edə bilər.

(Mənbə: https://www.studying-in-germany.org/phd/#google_vignette)

Almaniya universitetlərində ən məşhur doktorantura proqramları:

Almaniyada tibb təhsili

Almaniya dünya miqyasında tanınan mükəmməl tibb təhsili proqramları ilə tanınır və bir çox beynəlxalq tələbə, xüsusən də Azərbaycandan olan tibb tələbələri aspirantura təhsili üçün bu ölkəni seçirlər. Müasir tibbin qabaqcılları hesab olunan Alman tibb universitetlərinin təklif etdiyi təhsil və tədqiqat imkanları dünyanın hər yerindən tələbələri cəlb edir.

Almaniyadakı tibb fakültələri nəzəri biliklərlə yanaşı praktiki bacarıqların inkişafına böyük əhəmiyyət verir, tələbələrə xəstəxanalarda və tədqiqat mərkəzlərində praktiki təcrübələr təklif edir.

Almaniyada tibb təhsili adətən 6 il davam edir və və bakalavr və magistratura təhsilini əhatə edən inteqrasiya olunmuş proqram kimi təşkil edilir.

6 il müddətində tələbələrə ilk illərdə əsas tibb elmləri öyrədilir, sonrakı illərdə klinik təlim və tətbiqi təcrübələr ön plana çıxır.

Almaniyada tibb təhsili almaq istəyən beynəlxalq tələbələrdən adətən gözlənilən əsas tələb  yüksək səviyyədə alman dili biliyi və Tibb Təhsili üçün Yetərlilik İmtahanıdır (TestAS).

Alman dili üçün minimal bal isə Ümumi Avropa İstinad Çərçivəsi (CEFR) tərəfindən müəyyən edilmiş səviyyələrə görə təyin olunur. Bu isə adətən universitetdən aslı olaraq B2-C1, C2-dir.

(Mənbə: https://www.daad.de/en/)

Almaniyanın ən yaxşı tibb universitetləri və onların dünya üzrə reytinqləri:

(Mənbə: https://gyanberry.com/blog/study-medicine-mbbs-md-in-germany/)

Almaniyada İT təhsili

Almaniya bütün dünyada tələbələrin İT təhsili üçün üz tutduğu ölkədir. Bu, Almaniyanın yüksək keyfiyyətli təhsil standartları, əlverişli təhsil xərcləri (bir çox universitetlərdə təhsil haqqının aşağı olması və ya olmaması) və məzunların yüksək məşğulluq dərəcələri kimi amillərlə əlaqəlidir.

Almaniyada, həm də tələbələrə tədqiqat və innovasiya imkanları verən güclü texnologiya və startap ekosistemi var ki, bu da İT təhsilinin keyfiyyətini artırır.

İT üzrə Almaniyada bakalavr proqramları 3-4 il, magistratura proqramları üzrə 1.5-4 il davam edir.

Lazım olan əsas sənədlərdən birisə proqramın dilindən aslı olaraq Alman dili və ya İngilis dili sertifikatına sahib olmağınızdır. Universitetlər arasında bal tələbi proqramdan aslı olaraq dəyişsə də, minimal tələbi İngilis dili üçün IELTS- 5.5, TOFEL- 70, Alman dili üçünsə B2-dir.

(Mənbə: https://www.mygermanuniversity.com/subjects/information-technology-it)

Almaniyanın İT təhsili verən ən yaxşı universitetləri və onların dünya üzrə reytinqləri:

(Mənbə: https://edurank.org/cs/information-technology/de/)

Almaniyada memarlıq təhsili

Almaniya bütün dünyada tələbələrin memarlıq təhsili almaq üçün üstünlük verdiyi aparıcı ölkələrdən biridir. Ölkə tarixi və müasir memarlığı birləşdirən zəngin mədəni irsə malik olması onun tədris sistemində də öz əksini tapıb. Almaniyanın memarlıq təhsilində nəzəri biliklərin və praktiki tətbiqlərin effektiv birləşməsini təmin edir. Alman universitetləri memarlıq tələbələrinə innovativ dizayn yanaşmalarını, davamlı tikinti texnikalarını və şəhərsalma planlarını əhatə edən hərtərəfli təhsil təklif edir.

Programdan aslı olaraq müddət dəyişsə də, standart olaraq bakalavr təhsili 3-4 il, magistratura təhsili isə 1.5-2 illikdir.

Almaniyanın memarlıq təhsili verən ən yaxşı universitetləri və onların təklif etdiyi proqramlar:

(Mənbə: https://www.studying-in-germany.org/top-universities-in-germany-to-study-architecture/)

Almaniyada iqtisadiyyat təhsili

Almaniya güclü iqtisadiyyatı və geniş sənaye və ticarət fəaliyyəti ilə mükəmmək iqtisadi təhsil sisteminə malik ölkədir. Almaniyanın təhsil sistemi iqtisadiyyat tələbələrinə nəzəri bilikləri praktikada tətbiq edə biləcəkləri zəngin mühit təklif edir. Ölkənin iqtisadiyyat üzrə təhsil proqramları qlobal iqtisadi sistemlər, maliyyə təhlili, marketinq strategiyaları və davamlı inkişaf kimi mövzularda dərin biliklər verir, həmçinin tələbələri tənqidi düşüncə və analitik bacarıqlarla təchiz edir.

İqtisadiyyat üzrə bakalavr proqramları ümumən 3 ilə 4 il arasında davam edir. Magistr isə 1,5-2 il davam edən tam zamanlı proqramlardır.

Qeyd edək ki, proqramdan aslı olaraq IELTS, TOEFL, TestDaF, DSH imtahanlarından əlavə GMAT və ya GRE kimi imtahan nəticələri də tələb oluna bilər.

Almaniyanın iqtisadiyyat təhsili verən ən yaxşı universitetləri və onların dünya sıralamasında, eyni zamanda Almaniyadakı universitetlər arasındakı yeri:

(Mənbə: https://www.findamasters.com/guides/best-economics-universities-germany)

Almaniyada biznes təhsili

Almaniya güclü iqtisadiyyatı, innovativ iş dünyası və davamlı inkişafda olan biznes yanaşması ilə biznes tələbələrinə geniş perspektiv təklif edir. Ölkədə bakalavr və magistr səviyyələrində bir çox biznes proqramları, o cümlədən ümumi biznesin idarə edilməsi, marketinq, maliyyə, insan resurslarının idarə edilməsi, logistika və təchizat zəncirinin idarə edilməsi kimi sahələrdə ixtisaslaşma imkanları mövcuddur.

3-4 illik bakalavr, 1-2 illik magistr proqramları ilə tələbələrə biznesin nəzəri qaydaları və son kurslarda praktiki layihələrlə onların tətbiqini öyrədilən tədris planı əsasında dərslər keçirilir.

Almaniyanın biznes təhsili verən ən yaxşı universitetləri və dünya üzrə balları:

(Mənbə: https://www.studying-in-germany.org/business-schools-in-germany/)

Almaniyada təhsil təqaüdləri

Almaniyada universitet təhsili, xüsusən də digər Qərbi Avropa və Şimali Amerika ölkələri ilə müqayisədə olduqca münasibdir. Bundan əlavə, müxtəlif təqaüd proqramları vasitəsilə beynəlxalq tələbələrə yüksək keyfiyyətli təhsil imkanları təklif olunur. DAAD kimi təşkilatların və Erasmus kimi Aİ fondlarının təqaüdləri tələbələrə Almaniyada yaşamaq və təhsil almaq xərclərini ödəməyə kömək edir. Bu maliyyə dəstəyi ilə tələbələr təkcə akademik məqsədlərinə çatmır, həm də mədəni baxımdan zəngin təcrübə əldə etmək imkanı əldə edirlər.

Təqaüdlərin məbləği isə universitetin olduğu yerin aylıq yaşam xərci  nəqliyyat xərclərini və bəzən tədqiqat xərclərini əhatə edir və hər il minlərlə tələbəyə təklif olunur.

Almaniyada tələbələrə verilən təqaüdlərdən ən məşhurları bunlardır:

DAAD təqaüdləri. DAAD təqaüdləri magistratura və doktorantura tələbələri üçün aylıq olaraq verilir. Bu təqaüdlərin əsas məqsədi Almaniyada ali təhsil və tədqiqat imkanlarını dəstəkləməsi və tələbələrin təhsillərinə büdcə ayıra bilməsidir.. DAAD təqaüdləri adətən ayda 850 Avro ilə 1200 Avro arasında təyin olunur və təhsil proqramından aslı olaraq səyahət xərcləri və sığorta təminatı da bura daxil edilir. Təqaüdün müddəti tələbənin akademik proqramından asılı olaraq dəyişsə də, , magistratura üçün ümumilikdə 12-24 ay, doktorantura üçün isə daha uzun müddətdir.

Erasmus+. Erasmus+ proqramı Avropa İttifaqı tərəfindən maliyyələşdirilən və Avropadakı ali təhsil müəssisələri arasında tələbə və akademik mübadiləsini təşviq edən proqramdır. Bu proqram seçilmiş tələbələrə təhsil haqları, yaşayış xərcləri və səyahət xərcləri üçün maliyyə dəstəyi verir. Erasmus+ Almaniyada əməkdaşlıq etdiyi universitetlərdə 1 ilə təqaüdlə təhsil almaq imkanı verir.

Alexander von Humboldt Fond təqaüdləri. Alexander von Humboldt Fond təqaüdləri təcrübəli tədqiqatçılara verilir və alimlərə Almaniyada tədqiqat layihələri üzərində işləməyə imkan verir. Bu təqaüdlər tədqiqat xərcləri, aylıq təqaüdlər və səyahət xərcləri kimi müxtəlif maliyyə xərclərini əhatə edir.  Humboldt fondunun təqaüdlərinin məbləği layihənin yükündən və tədqiqatçının ehtiyaclarından asılı olaraq dəyişir. Məbləğlə bağlı ətraflı məlumadı rəsmi sayta keçid etməklə ala bilərsiz. 

Konrad Adenauer Stiftung. Konrad Adenauer Stiftung təqaüdləri yüksək akademik nailiyyətlərə malik beynəlxalq tələbə və məzunlara verilir. Bu proqram, magistratura, doktorantura və ya tədqiqat layihələri üçün Almaniyada təhsil və tədqiqat imkanları təqdim edir. Təqüdün məbləği magistr tələbələri üçün aylıq 850 avro, doktorantura tələbələri və tədqiqatçılar üçün isə aylıq 1.200 avro civarındadır. Təqaüdü əldə edən tələbələr, həmçinin seminarlara qatılma və KAS şəbəkəsinə daxil olma fürsəti əldə edirlər.

Deutschlandstipendium. Deutschlandstipendium Almaniyanın bütün universitetlərində təhsil alan milli və beynəlxalq tələbələr üçün akademik nailiyyətlər və sosial fəaliyyətləri əhatə edən təqaüd proqramıdır. Təqaüd tələbələrə ayda 300 Avro maliyyə dəstəyi verilir və bu dəstək tələbənin təhsil müddəti boyunca davam edir.

(Mənbə: https://www.studying-in-germany.org/scholarships/)

Almaniyada Alman dilində təhsil

Almaniyada təhsil almağı düşünən tələbələri ən çox maraqlandıran suallardan biri Alman dilində olan proqramlarla əlaqəlidir.

Almaniyada xüsusilə tibb təhsili üçün alman dilini bilmək önəmlidir.  Alman təhsil proqramlarına müraciət etmək üçün ən azı B2 səviyyəsində alman dilini bilməniz gözlənilir. Bu səviyyə gündəlik danışıq, yazı və oxu bacarıqlarınızı əhatə edən bacarıq səviyyəsidir. Bununla belə, bəzi universitetlər və proqramlar C1 səviyyəsində dil biliyi tələb edə bilər ki, bu da daha təkmil dil bacarıqları tələb edir.

Almaniyada təhsil almaq istəyən beynəlxalq tələbələrin dil biliklərini sübut etmək üçün müxtəlif sürtifikatlar var. Universitetlər adətən öz dil biliyi testlərini təşkil etsə də, bir çox universitetlər TestDaF (Test Deutsch als Fremdsprache) və ya DSH (Deutsche Sprachprüfung für den Hochschulzugang) kimi rəsmi alman dili imtahanlarının nəticələrini də qəbul edirlər. Bu imtahanlar tələbələrin alman dilində oxuma, yazma, dinləmə və danışma bacarıqlarını qiymətləndirir.

(Mənbə: https://www.topuniversities.com/where-to-study/europe/germany/study-germany-frequently-asked-questions)

 Almaniyada İngilis dilində təhsil 

Almaniya həm bakalavr, həm də magistratura səviyyələrində fərqli ixtisaslar üzrə ingilis dilində tədris olunan təhsil proqramları təklif edir ki, bu da onu ingilis dilində yüksək keyfiyyətli təhsil almaq istəyən beynəlxalq tələbələr üçün cəlbedici məkana çevirir. Almaniyadakı bir çox universitetlər, xüsusən də yüksək dərəcələr təklif edənlər ingilis dilinin tədris və tədqiqat dili kimi qlobal əhəmiyyətini qəbul ediblər.

Almaniya daxilində çoxsaylı universitetlər mühəndislik, təbiət elmləri, sosial elmlər, humanitar elmlər, biznes və s. daxil olmaqla müxtəlif sahələrdə ingilis dilində tədris proqramları təklif edir. Bu proqramlara qəbul almaq üçün ingilis dili sertifikatı mütləqdir. Çünki sənəd qəbulu zamanı TOEFL və ya IELTS kimi standartlaşdırılmış ingilis dili testlər nəticələri tələb olunur.

Almaniyada ingilis dilində təhsil verən ən yaxşı universitetlər və onların QS reytinqləri:

(Mənbə: https://www.studying-in-germany.org/study-in-english-in-germany/)

Almaniyanın ən yaxşı tədqiqat inistitutları

(Mənbə: https://eduzeit.com.np/blog/best-research-universities-in-germany)

Almaniyada yay məktəbləri

(Mənbə: https://www.did.de/en/summercamps/?gad_source=1&gclid=Cj0KCQjwztOwBhD7ARIsAPDKnkCg3v6xtypVSnB_fRVI_u5605LDyGXJes_tkxgRweTFkbXa2Rgt34kaAuYGEALw_wcB)

Almaniyada təhsil haqları

Almaniyanın dövlət universitetlərində təhsil ödənişsizdir, təhsil haqqı olan universitetlərdə isə illik universitet ödənişi minimal məbləğdir. 

Ödənişi olan universitetlər və proqramlar arasında məbləğ dəyişsə də, bəzi universitetlərin proqramlar üzrə təhsil haqları belədir:

Bakalavr proqramları

•       Frankfurt Maliyyə və İdarəetmə Məktəbi: Hər semestr üçün €3,850 – €5,100
•       Avropa Tətbiqi Elmlər Universiteti (AB): İllik €8,496
•       WHU – Otto Beisheim İdarəetmə Məktəbi: hər semestr üçün €8,500
•       Gisma Tətbiqi Elmlər Universiteti (Almaniya/AB ərizəçiləri): İllik €9,600
•       Avropa Tətbiqi Elmlər Universiteti (Aİ üzvü olmayan): İllik €12,100
•       Gisma Tətbiqi Elmlər Universiteti (Beynəlxalq ərizəçilər): İllik €13,125

Magistr Proqramları

•       Gisma Tətbiqi Elmlər Universiteti (Almaniya/AB): İllik €8,500 – €13,000
•       Avropa Tətbiqi Elmlər Universiteti (AB): İldə € 9,840-dan
•       ESMT Berlin: €32,000
•       WHU – Otto Beisheim İdarəetmə Məktəbi: €30,300 – €37,200
•       Frankfurt Maliyyə və İdarəetmə Məktəbi: €33,000 – €39,000
•       Tətbiqi Elmlər üzrə Avropa Universiteti (Aİ üzvü olmayan): İldə €10,938-dən
•       Gisma Tətbiqi Elmlər Universiteti (Beynəlxalq): İllik €11,575 – €15,500
•       Gisma Tətbiqi Elmlər Universiteti (Beynəlxalq Biznesin İdarə Edilməsi Magistri): İllik €16,500

MBA Proqramları

•       ESMT Berlin: €28,000 – €64,800
•       Avropa Tətbiqi Elmlər Universiteti (AB): İllik €11,100
•       Gisma Tətbiqi Elmlər Universiteti (Qlobal MBA): €18,000
•       WHU – Otto Beisheim İdarəetmə Məktəbi: €36,000 – €46,000
•       Frankfurt Maliyyə və İdarəetmə Məktəbi: €42,000 – €49,500
•       Avropa Tətbiqi Elmlər Universiteti (Aİ üzvü olmayan): İllik €12,332

(Mənbə: https://www.studying-in-germany.org/what-does-it-cost-to-study-in-germany/)

Almaniyanın tələbələrə uyğun olan ən ucuz şəhərləri hansılardır?

Halle. Şərqi Almaniyada yerləşən Halle tarixi binaları və mədəniyyət nümunələrilə tanınır. Halle-Vittenberq Martin Lüter Universiteti və Burg Giebichenstein İncəsənət və Dizayn Universitetinə ev sahibliyi edən bu şəhər Almaniyanın ən ucuz şəhərlərindən olduğu üçün Halle tələbələr üçün ən sərfəli şəhərlərdəndir. Halledə orta aylıq yaşam xərci təxmini 670 avrodur.

Maqdeburq. Saksoniya-Anhalt əyalətinin paytaxtı Maqdeburq orta əsrlərə qədər uzanan zəngin tarixə malikdir. Otto von Guericke Universitetinin yerləşdiyi şəhərdə orta aylıq yaşam xərci təxminən 700 avrodur.

Leypsiq. İohan Sebastyan Bax kimi məşhur bəstəkarların olduğu Leypsiq mədəni irsi ilə tanınır və bir çox incəsənət məktəbləri də bu şəhərdə yerləşir. Leypsiqdə orta aylıq xərc 750 avrodur.

Duysburq. Qərbi Almaniyada yerləşən Duysburq sənayenin paytaxtı hesab olunan şəhərdir. Tələbələrin ən çox seçim etdiyi universitetlərdən olan Duisburg-Essen Universitetinin də yerləşdiyi şəhərdə aylıq yaşam xərci təxminən 800 avrodur.

Potsdam. Sosial və humanitar elmlərdə güclü tədqiqat proqramları ilə tanınan Potsdam Universitetinə ev sahibliyi edən şəhərin orta aylıq yaşam xərci 850 avrodur.

Erfurt. Tarixi binaları və köhnə şəhər toxuması ilə tanınan Erfurtun orta aylıq yaşayış dəyəri təxminən 870 avrodur. İlahiyyat, fəlsəfə və təhsil sahəsində güclü tədris proqramları ilə tanınan Erfurt Universiteti də bu şəhərdə yerləşir.

Kaiserslautern. Kaiserslautern Almaniyanın cənub-qərbində yerləşən kiçik, rahat və sakit təbiətə malik şəhərdir.

Şəhər kompüter elmləri, mühəndislik və təbiət elmləri sahəsində güclü proqramları ilə tanınan Kaiserslautern Universitetinə ev sahibliyi edir. Rahat şərait və keyfiyyətli təhsilə malik bu şəhərdə aylıq yaşam xərci təxminən 800 avrodur.

Kiel. Təbiət elmləri və mühəndislik sahəsində güclü proqramları ilə tanınan Kiel Universitetinə sahib olan şəhərin ortalama aylıq xərci 900 avrodur.

Drezden. Möhtəşəm memarlığı ilə məşhur olan Drezdən dünyada tələbələrin ən çox müraciət etdiyi Drezden Texniki Universiteti və Drezden Tətbiqi Elmlər Universiteti də daxil olmaqla bir neçə universitetə ev sahibliyi edir. Drezdendə aylıq ortalama yaşam xərci 940 avrodur.

Jena. Təbiət elmləri sahəsində güclü tədqiqat proqramları ilə tanan və Almaniyanın ən qədim universitetlərindən biri olan Fridrix Şiller Universitetinin yerləşdiyi Jenada aylıq xərc 950 avrodur.

Qeyd edək ki, bu şəhərlərin hər birində tələbələrin qalmaları üçün yataqxanaları və kirayə evlər da çox ucuz qiymətə olur.

(Mənbə: https://getgis.org/blog/cheapest-cities-in-germany-for-international-students)

Almaniyada tələbələr üçün yaşam xərcləri necədir?

Almaniyada yaşam xərcləri tələbələrin həyat tərzindən aslı olaraq fərqli olsa da, zəruri ehtiyac olan ərzaqların qiymətləri belədir:

(Mənbə: https://www.numbeo.com/cost-of-living/country_result.jsp?country=Germany)

Almaniyada tələbələr və məzunlar üçün iş imkanları

Almaniya keyfiyyətli tədrisi sayəsində tələbələrə geniş iş imkanları verir. Tələbələr təhsil adlıqları müddətdə həftəlik 20 saatlıq işləmə icazələri olur ki, bununla onlar öz sahələrinə aid part-time, frilans işlərdə çalışa, yaxud da məzun olduqdan sonra sahələrinə uyğun nüfuzlu şirkətlərdə çalışa bilərlər.  

Almaniyanın bir çox universitetləri work-study proqramları ilə tələbələrə işləyərkən təhsil almalarına şərait yaradılır. Dünyanın bir çox ölkələrin hər il Almaniyaya work-study proqramı çərçivəsində gələn yüzlərlə tələbələr olur ki, onların bir birinə proqram dəstəyilə maliyyə yardımı belə edir. Nəticədə tələbələr həm təhsil alır, həm də praktiki iş mühitində öyrəndiklərini inkişaf etdirirlər.

Almaniya universitetlərinin məzunları əldə etdikləri diplomlarla dünyanın nüfuzlu şirkətlərində yüksək maaşlı işlərdə çalışa bilirlər. Universitetlərin təşkil etdiyi kariyera sərgiləri və şirkətlərlə əlaqələr məzunların iş axratmalarına xüsusilə dəstək olur.

Almaniyada tələbə vizası

Almaniyada universitetindən qəbul aldığınızla bağlı məktub aldıqdan sonra viza üçün müraciət etmək lazımdır. Viza üçün Almaniya səfirliyinə müraciət etməli və müvafiq sənədi əldə etməlidirlər.

Viza üçün lazım olan sənədlər:

• Lazımi qaydada doldurulmuş və imzalanmış milli viza ərizə forması
• Şəxsiyyət vəsiqəsi və notarial təstiq olunmuş surəti
• Doğum şəhadətnaməsi
• Nikah şəhadətnaməsi (əgər varsa)
• Uşağınızın doğum haqqında şəhadətnaməsi (əgər varsa)
• 3×4 foto şəkil
• Bank hesabınızda olan məbləğin çıxarışı. Tələbəb vizası üçün bank hesabınızda 11.208 avro depozit olması lazımdır.
• Sağlamlıq arayışı
• Universitetə qəbul olmağınızla bağlı məktub

Gecikmələrin ola bilmə ehtimalını nəzərə alaraq universitetdə dərsə başlamadan 3 ay əvvəldən viza üçün müraciət etmək lazımdır.

(Mənbə: https://www.studying-in-germany.org/german-student-visa/)

Almaniyanın keyfiyyətli təhsil sistemində təhsil almağınız üçün xaricdə təhsil mütəxəssislərimizin konsultasiya xidmətindən yararlana bilərsiniz. Komandamız möövcud göstəricilərinizə əsasən ən yaxşı Almaniya universitetlərinə təqaüdlü qəbul almağınıza səbəb olacaq!

Avropada Təhsillə Əlaqəli Xəbərlər