| Ölkə/Şəhər | Türkiyə, İstanbul şəhəri |
| Dövlət/Özəl | Dövlət |
| Tələbələrinin sayı | 88.500 |
| İllik təhsil haqqı | 22.000-150.000 TL |
| Təqaüd məbləği | 6.000-9.000 TL |
| SAT balı | Minimum 1280 |
| Neçə ölkədən tələbələr var | 18+ |
| Beynəlxalq tələbələrin sayı | 6533 |
| Rəsmi veb-saytı | https://www.istanbul.edu.tr/tr/_ |
İstanbul Universiteti 1453-cü ildə Fateh Mehmet tərəfindən İstanbulun fəthindən sonra qurulan Türkiyənin ən köklü və prestijli təhsil ocaqlarından biridir. Türkiyənin və dünyanın ən prestijli universitetlərindən biri sayılan İstanbul Universiteti 1933-cü ildəndir modern və innovativ təhsil yanaşmasına sahibdir.
Universitet İstanbulun mərkəzində yerləşir. Universitetin daxilində geniş kampusu və tələbələrin rahat təhsil alması üçün bütün imkanlar mövcuddur.
QS World University Rankings-ə daxil olan İstanbul Universitetində tibb, hüquq, mühəndislik, elm, ədəbiyyat və sosial elmlər kimi bir çox sahədə yüksək standartlarda təhsil verilir.
Universitetin tələbələrinə təqdim etdiyi geniş akademik proqramlar və beynəlxalq əməkdaşlıqlarla İstanbul Universiteti qlobal təhsil müəssisəsi olmaq yolunda inamlı addımlar atır.
Bunun nəticəsidir ki, İstanbul Universiteti illərdir yüksək akademik standartları və müasir təhsil imkanları ilə həm yerli, həm də beynəlxalq tələbələrin, o cümlədən Azərbaycandan olan tələbələrin ən çox müraciət etdiyi universitetlərdəndir.
İstanbul Universitetində tədris proqramları
Universitetin təklif etdiyi təhsil proqramlarından ən məşhurlarını sizə təqdim edirik.
Bakalavr proqramları
- Tibb Fakültəsi: Tibb, Stomatologiya, Əczaçılıq
- Hüquq Fakültəsi: Hüquq
- İqtisadiyyat Fakültəsi: İqtisadiyyat, Biznesin İdarə Edilməsi, Maliyyə, Ekonometriya
- Mühəndislik Fakültəsi: Elektrik-Elektronika Mühəndisliyi, Kompüter Mühəndisliyi, İnşaat Mühəndisliyi, Kimya Mühəndisliyi
- Təbiət Elmləri Fakültəsi: Fizika, Kimya, Biologiya, Riyaziyyat
- Ədəbiyyat Fakültəsi: Tarix, Türk Dili və Ədəbiyyatı, Fəlsəfə, Psixologiya, Sosiologiya
- Əlaqələr Fakültəsi: Jurnalistika, Radio, Televiziya və Kino, İctimaiyyətlə Əlaqələr və Tanıtım
- Təhsil Fakültəsi: İbtidai Sinif Müəllimliyi, Türkçe Müəllimliyi, Rəhbərlik və Psixoloji Məsləhət
Magistr Proqramları
- Sosial Elmlər İnstitutu: Biznes İdarəçiliyi (MBA), Beynəlxalq Münasibətlər, Dövlət İdarəçiliyi, Sosiologiya, Psixologiya
- Təbiət Elmləri İnstitutu: Molekulyar Biologiya və Genetika, Fizika, Kimya, Riyaziyyat, Kompüter Mühəndisliyi
- Sağlamlıq Elmləri İnstitutu: Klinik Əczaçılıq, İctimai Sağlamlıq, Fizioterapiya və Reabilitasiya
- Təhsil Elmləri İnstitutu: Təhsil İdarəçiliyi və Nəzarəti, Təhsil Proqramları və Tədris, Rəhbərlik və Psixoloji Məsləhət
Doktorantura Proqramları
- Sosial Elmlər İnstitutu: İqtisadiyyat, Biznes, Siyasi Elmlər və Beynəlxalq Münasibətlər, Hüquq
- Təbiət Elmləri İnstitutu: Fizika, Kimya, Biologiya, Riyaziyyat, Ətraf Mühit Mühəndisliyi
- Sağlamlıq Elmləri İnstitutu: Tibb Biokimyası, Mikrobiologiya, Farmakologiya
- Təhsil Elmləri İnstitutu: Təhsil İdarəçiliyi və Nəzarəti, Təhsil Proqramları və Tədris, Psixoloji Məsləhət və Rəhbərlik
İstanbul Universitetə qəbul prosesi
İstanbul Universitetinə qəbul prosesi proqrama və tələbənin statusuna görə dəyişir.
Universitetin bakalavr, magistratura və doktorantura proqramlarına qəbul prosesində tələblər fərqli olsa da, ümumilikdə belədir:
Bakalavr proqramları üçün qəbul şərtləri
- Attestat: İstanbul Universitetinə qəbul üçün əsas tələb orta məktəbi bitirdiyinizi göstərən attestatdır.
- Attestatın Transkripti: Orta məktəb ballarının qeyd olunduğu transkript mütləqdir.
- Yabancı Öğrenci Sınavı (YÖS): İstanbul Universiteti beynəlxalq tələbələr üçün “Yabancı Öğrenci Sınavı”nı (YÖS) qəbul edir. YÖS imtahanı tələbənin universitetdə bölmə seçiminə birbaşa təsir edir. Çünki universitetdəki fakültələrin hərəsinin fərqli bal tələbi var və fakültəyə qəbul olmaq üçün həmin tələbi ödəmək lazımdır.
- Türk Dili İmtahanı: Tələbələrin türkcə bildiklərini təsdiqləyən imtahan nəticəsi və ya türkcə hazırlıq proqramından keçmələri tələb olunur.
Magistr proqramlarına qəbul şərtləri
- Bakalavr diplomu: Master proqramlarına müraciət etmək üçün tələbələr müvafiq sahədə təhsilini bitirmiş olmalıdırlar.
- Akademik personel ve Lisansüstü Eğitime giriş Sınav (ALES): ALES adətən türk tələbələrdən tələb olunsa da, bəzi ixtisaslarda beynəlxalq tələbələrdən də tələb olunur.
- Dil bacarıqları: İngilis dilində tədris olunan proqramlara qəbul olmaq üçün TOEFL və ya IELTS kimi beynəlxalq dil imtahanlarından tələb olunan balı toplamaq lazımdır. Türk dilində olan proqramlara qəbul üçünsə Türk dili biliyi imtahanı nəticəsi lazımdır.
- Motivasiya məktubu və referanslar: Namizədlərdən motivasiya məktubu və akademik referanslar təqdim etməsi tələb olunur.
Doktoranturaya qəbul şərtləri
- Magistr diplomu: PhD proqramlarına müraciət etmək üçün tələbələr müvafiq sahədə bakalavr təhsilini bitirmiş olmalıdırlar.
- ALES və ya GRE: Türk tələbələr üçün ALES imtahan nəticələri, xarici tələbələr üçün isə GRE imtahan nəticələri tələb olunur. Bəzi hallarda beynəlxalq tələbələrdən də ALES tələb oluna bilər.
- Dil bacarıqları: İngilis dilində tədris olunan proqramlar üçün TOEFL və ya IELTS, Türk dilində tədris olunan proqramları üçünsə türk dili imtahan nəticəsi.
- Tezis mövzusu və texniki fəaliyyət planı: PhD proqramlarına müraciət edən tələbələrdən çalışacağı tezis mövzusu və texniki təlim planı təqdim etmələri tələb olunur
Əgər İstanbul Universitetində təhsil almaq istəyirsinizsə, Marmara Group-a müraciət edə bilərsiniz. Xaricdə təhsil mütəxəssislərimiz hər bir tədris pilləsində sənədlərin hazırlanmasından tutmuş qəbula qədər bütün prosesdə sizə dəstək olacaq.
İstanbul Universitetində təhsil haqqı neçədir?
İstanbul Universitetində 2023-2024 tədris ili üçün beynəlcalq tələbələr üçün təhsil haqları ixtisasdan asılı olaraq dəyişir. Orta hesabla, təhsil haqları illik 25.000 TL-dən başlayaraq 150.000 TL-ə qədər yüksəlir. Ən yüksək təhsil haqqı İstanbul Tibb Fakültəsindədir, illik 150.000 TL, daha sonra Diş Həkimliyi Fakültəsi gəlir ki, burada təhsil haqqı 100.000 TL-dir.
Ən aşağı təhsil haqqı isə Ədəbiyyat və Fen fakültələrindədir, ortalama 22.000 TL və 30.000 TL.
(Mənbə: https://iso.istanbul.edu.tr/en/content/application-principles/tuition-fees )
İstanbul Universitetində yataqxana imkanı
İstanbul Universitetinin şəhərciyinə yaxın həm dövlət, həm də özəl yataqxanalar mövcuddur. Hər bir yataqxanada tələbələrin rahat yaşaması üçün şərait yaradılıb və yataqxana ilə universitet arasında nəqliyyat da var.üçün ümumi yerlər və internetə çıxış kimi müxtəlif xidmətlərlə təchiz olunub.
Yataqxanada əlavə olaraq universitetin yaxınlığında sərfəli qiymətə kirayə mənzillər də var.
İstanbul Universitetinin kampusları
İstanbul Universitetinin 12 kampusu var:
- Beyazıt (Merkez) Kampüsü
- Vezneciler Kampüsü
- Laleli Kampüsü
- Çapa Tıp Fakültesi Kampüsü
- Cerrahpaşa Tıp Fakültesi Kampüsü
- Avcılar Kampüsü
- Bakırköy Kampüsü
- Bahçeköy Orman Fakültesi Kampüsü
- Silivri Kampüsü
- Horhor Kampüsü
- Kadıköy Kampüsü
- Şişli Kampüsü
(Mənbə: https://www.istanbul.edu.tr/tr/content/universitemiz/yerlesim )
İstanbul Universitetinin araşdırma institutları
Atatürk İlkeleri ve İnkılap Tarihi Enstitüsü – Türkiyə Cümhuriyyətinin yaranması prosesi, Atatürk prinsipləri və islahatları ilə bağlı araşdırmalar aparılır.
Aziz Sancar Deneysel Tıp Araştırma Enstitüsü – Nobel mükafatı laureatı Aziz Sancarın adını daşıyan bu institutda eksperimental tibb və biotibbi tədqiqatlar aparılır.
Deniz Bilimleri ve İşletmeciliği Enstitüsü – Dəniz elmləri, dənizçilik, dəniz ekosistemləri və dəniz idarəçiliyi üzrə tədqiqat və təhsil fəaliyyətini həyata keçirilir.
Havacılık Psikolojisi Araştırmaları Enstitüsü – Aviasiya sənayesində insan faktorları və psixoloji proseslərlə bağlı araşdırmalar aparılır və aviasiya psixologiyası sahəsində ekspertlər hazırlanılır.
Fen Bilimleri Enstitüsü – Elm sahəsində qabaqcıl təhsil və tədqiqatlar aparılır və aspirantura proqramları həyata keçirilir.
İşletme İktisadı Enstitüsü – Biznesin idarə edilməsi və iqtisadiyyat, biznes strategiyaları və iqtisadi siyasətlər üzrə tədqiqatlar aparılır.
Muhasebe Enstitüsü – Mühasibat uçotu və maliyyə hesabatları sahəsində təhsil və tədqiqat fəaliyyətini həyata keçirilir.
Onkoloji Enstitüsü – Xərçəng tədqiqatı və onkologiya sahəsində xüsusi araşdırmalar aparılır.
Sağlık Bilimleri Enstitüsü – Səhiyyə elmləri sahəsində müxtəlif fənlər üzrə aspirantura təhsili verir və tədqiqat işləri həyata keçirilir.
Sosyal Bilimler Enstitüsü – Sosial elmlər sahəsində təhsil və tədqiqat fəaliyyətini həyata keçirilir.
Türkiyat Araştırmaları Enstitüsü – Türk dili, tarixi, ədəbiyyatı və mədəniyyəti ilə bağlı araşdırmalar aparılıb bu sahədə ekspertlər hazırlanılır.
Çocuk Sağlığı Enstitüsü – Uşaq sağlamlığı və xəstəlikləri sahəsində tədqiqatlar aparır və pediatriya üzrə xüsusi təlimlər verilir.
Uluslararası Soykırım ve İnsanlığa Karşı İşlenen Suçlar Enstitüsü – Soyqırım, bəşəriyyətə qarşı cinayətlər və beynəlxalq hüquqla bağlı araşdırmalar aparılır.
İslam Tetkikleri Enstitüsü – İslam dini, mədəniyyəti və tarixi ilə bağlı akademik araşdırmalar aparır və bu sahədə təhsil verilir.
(Mənbə: https://www.istanbul.edu.tr/tr/content/akademik/enstituler )
İstanbul Universitetində təhsil dili
İstanbul Universitetində tədris dili türkcə olsa da, bəzi bölmələr və proqramlar üçün ingilis dili təhsili də verilir. Xüsusilə beynəlxalq əlaqələr, mühəndislik, tibb və bəzi sosial elmlər bölmələrində ingilis dilində təhsil verilir. Bundan əlavə, bəzi proqramlar ikidilli (türk və ingilis) təklif olunur və tələbələr təhsil almaq istədikləri dili seçirlər.
İstanbul Universiteti təqaüdləri
İstanbul Universiteti tələbələrə müxtəlif təqaüd imkanları verir. Onlardan bəziləri bunlardır:
Üniversite Bursları: Tələbələrin akademik göstəricilərinə əsasən verilir.
İstanbul Üniversitesi Vakıf Bursları: İstanbul Universitetinin öz tərkibində qurulan vəqflər, tələbələrə maddi dəstək göstərmək məqsədilə onlara təqaüd verir.
İstanbul Üniversitesi Mezunlar Derneği Bursları: Universitetin məzunlar dərnəyi akademik göstəriciləri yaxşı olan və maddi vəziyyəti zəif olan tələbələrə təqaüd verir.
Özel Kurum ve Vakıf Bursları: İstanbul Universiteti tələbələri, universitet xaricindəki özəl qurumlar və vəqflər tərəfindən verilən burslara da müraciət edə bilərlər. Bu burslar, adətən akademik müvəffəqiyyət və maddi ehtiyac vəziyyətlərinə görə verilir.
Araştırma ve Proje Bursları: Magistr və doktorantura səviyyəsindəki tələbələr üçün müxtəlif araşdırma və layihə bursları mövcuddur. Bu burslar, müəyyən layihələrdə işləmək və ya araşdırma aparmaq üçün tələbələrə maliyyə dəstəyi verir.
Yurt Dışı Eğitim Bursları: Tələbələrin Erasmus, Mevlana və digər beynəlxalq proqramlar çərçivəsində verilən təqaüdlərdən də yararlanmaları mümkündür.
Bu təqaüdlərə müraciətlər adətən akademik ilin əvvəlində edilir və müraciət şərtləri hər burs üçün fərqlidir. Ona görə də bursun verilmə tələbi və müraciət prosesi haqqında ətraflı məlumatı İstanbul Universitetinin rəsmi veb səhifəsindən və ya Marmara Group-dan ala bilərsiniz.
İstanbul Universitetinin ən məşhur professorları
İstanbul Universitetində təhsil keyfiyyətinin təməlində savadlı professorlar durur. Müxtəlif fakültələrdə dərs deyən və öz sahələrində tanınmış bəzi məşhur professorlar bunlardır:
Prof. Dr. İlber Ortaylı – Tarix sahəsində dünya miqyasında tanınmış tarixçi, Osmanlı tarixi və Türkiyə Cümhuriyyəti tarixi üzrə mütəxəssisdir.
Prof. Dr. Celal Şengör – Geologiya sahəsində tanınmış alim, xüsusilə tektonika və geodinamika sahələrində önəmli işlər görmüş profüssor.
Prof. Dr. Aziz Sancar – Nobel mükafatı laureatı, molekulyar biologiya və biokimya sahəsində dünya miqyasında tanınmış alimdir. İstanbul Universitetində tələbə olaraq başlamış, sonradan dünya səviyyəsində önəmli işlərə imza atmışdır.
Prof. Dr. Mehmet Haberal – Tibb sahəsində, xüsusilə transplantologiya (orqan nəqli) sahəsində tanınmış bir mütəxəssisdir. Türkiyədə ilk böyrək və qaraciyər transplantasiyalarını həyata keçirənlərdən biridir.
Prof. Dr. Emre Kongar – Sosyologiya və siyasi elmlər sahəsində tanınmış alimdir. Cəmiyyətin sosial dinamikaları və müasir Türkiyənin ictimai-siyasi quruluşu üzərində çalışmaları ilə tanınır.
Prof. Dr. Türkan Saylan – Dermatologiya sahəsində tanınmış həkimdi. Xüsusilə cüzam (leproz) xəstəliyinin müalicəsi və qarşısının alınması sahəsində əhəmiyyətli işlər görmüşdür.
Prof. Dr. Orhan Kural – Mədən mühəndisliyi və ətraf mühit elmləri sahəsində tanınmış professor, ekoloji mövzularda da geniş şəkildə tanınır.
Bu professorlar, İstanbul Universitetinin akademik gücünü və nüfuzunu artıran önəmli şəxslərdir. Onların sahələrində apardıqları araşdırmalar və verdikləri dərslər, yalnız Türkiyədə deyil, beynəlxalq səviyyədə də tanınır.
İstanbul Universitetin ən məşhur məzunları
İstanbul Universiteti, Türkiyə və dünya miqyasında tanınmış bir çox məşhur şəxsləri məzun etmişdir. Onlardan bəziləri bunlardır:
Mustafa Kemal Atatürk – Türkiyə Respublikasının qurucusu və ilk prezidenti. İstanbul Universitetinin tibb fakültəsində qısa müddət təhsil almışdır.
Turgut Özal – Türkiyənin 8-ci prezidenti və 1980-ci illərdə baş nazir olmuşdur, iqtisadiyyat sahəsində mühüm islahatlar həyata keçirmişdir.
İsmet İnönü – Türkiyənin 2-ci prezidenti və Atatürk dövründə baş nazir olmuşdur. Atatürkün yaxın silahdaşı və Türkiyə Respublikasının qurulmasında böyük rol oynamışdır.
Abdullah Gül – Türkiyənin 11-ci prezidenti və Avropa Birliyi məsələlərində mühüm fəaliyyətlər göstərmişdir.
Süleyman Demirel – Türkiyənin 9-cu prezidenti və 7 dəfə baş nazir olmuşdur.
Aziz Sancar – 2015-ci ildə Nobel Kimya mükafatını qazanmış məşhur alim Aziz Sancar İstanbul Universitetində tibb təhsili almışdır.
Orhan Pamuk – Nobel Ədəbiyyat Mükafatı laureatı, Türkiyənin ən tanınmış yazıçılarından biridir. İstanbul Universitetində jurnalistika təhsili almışdır.
İlber Ortaylı – Tanınmış tarixçi və yazar. İstanbul Universitetində təhsil almış və burada dərs vermişdir.
Kemal Sunal – Türkiyənin ən tanınmış komediya aktyorlarından biridir. İstanbul Universitetində jurnalistika və kommunikasiya fakültəsində təhsil almışdır.
Bülent Ecevit – Türkiyənin keçmiş baş naziri və “Kıbrıs Barış Harekâtı”nın lideridir.
Bu şəxslər, İstanbul Universitetindən məzun olmuş və Türkiyə tarixində və mədəniyyətində böyük iz qoymuş insanlardır. Onların hər biri öz sahələrində mühüm uğurlar qazanmış və həm ölkə daxilində, həm də beynəlxalq səviyyədə tanınmışdır.
İstanbul Universitetində tələbə həyatı
İstanbul Universitetində tələbə həyatı, canlı və maraqlıdır. Burada tələbələr keyfiyyətli təhsil almaqla bərabər vaxtlarını da əyləncəli keçirirlər.
Tələbələr, universitetin geniş kampuslarında yerləşən kitabxanalar, idman sahələri və sosial mərkəzlərdən faydalanaraq, dərs xaricində də vaxtlarını səmərəli keçirmək imkanına sahibdirlər.
Eyni zamanda universitetin müxtəlif tələbə təşkilatları tələbələrin maraq sahələrinə uyğun fəaliyyətlərdə iştirak etmə, yeni dostlar qazanma və liderlik bacarıqlarını inkişaf etdirmə imkanı verir.
İstanbul kimi mədəniyyət və tarixlə zəngin şəhərdə yerləşən universitet, tələbələrə tarixi yerləri kəşf etmək, mədəni tədbirlərdə iştirak etmək və müxtəlif mədəniyyətləri tanımaq üçün unikal təcrübə təqdim edir.
Universitetin beynəlxalq əlaqələri və mübadilə proqramları, tələbələrə qlobal perspektiv qazanmaq və xaricdə təhsil almaq şansı yaradır.
Qısacası, keyfiyyətli, dünya səviyyəsində təhsil almaq və həm akademik, həm də sosial inkişaf etmək istəyənlər İstanbul Universitetini seçsələr, yanılmayacaqlar.
Məzunların iş imkanları
İstanbul Universiteti məzunlarının iş imkanları olduqca genişdir. Çünki universitetin nüfuzu məzunların əmək bazarına uğurla daxil olmasında mühüm rol oynayır.
Tələbələr, təhsil müddətində əldə etdikləri güclü akademik biliklər və praktiki bacarıqlar əldə edir ki, bu da onları əmək bazarında rəqabətədavamlı edir.
Eyni zamanda İstanbul Universiteti, tələbələrinə karyera dəstəyi də verir.
Mərkəz, tələbələrə CV hazırlama, müsahibə texnikaları, karyera planlaması və iş əlaqələri qurma kimi mövzularda seminarlar və təlimlər də keçirir. Bundan əlavə, universitetin əməkdaşlıq etdiyi şirkətlər və təşkilatlarla birlikdə təşkil olunan karyera günləri və iş yarmarkaları, tələbələrin potensial işəgötürənlərlə birbaşa tanış olmasına imkan verir. Bu cür imkanlar, İstanbul Universiteti məzunlarının məzun olduqdan sonra tez bir zamanda iş tapmasına və karyeralarına uğurla başlamasına kömək edir.
İstanbul Universitetinə qəbul tarixi
İstanbul Universitetinə qəbul prosesi Türkiyədəki digər dövlət universitetləri kimi, Yükseköğretim Kurulu (YÖK) tərəfindən müəyyən edilən təqvimə uyğun olaraq həyata keçirilir. Tələbələr, Türkiye Yükseköğretim Kurumları Sınavı (YKS) nəticələrinə əsaslanaraq universitetə qəbul olunurlar.
Qəbul müraciətləri yerli tələbələr üçün iyul və avqust aylarında, xarici tələbələr üçün may və iyun aylarındadır.
Qəbulun vaxtı hər il dəyişdiyində görə dəqiq tarixini İstanbul Universitetinin rəsmi web saytı və YÖK-un hər il imtahanla bağlı etdiyi elanlardan öyrənməyiniz məsləhətdir.
Türkiyənin ən yaxşı universitetlərindən olan İstanbul Universitetində təhsil almaq istəyirsinizsə, Marmara Group-a müraciət edin! Xaricdə təhsil mütəxəssislərimiz ən yaxşı təhsili ən sərfəli qiymətlərlə almağınıza dəstək olacaq
