Avropada həm keyfiyyətli təhsili, həm də çox saylı təcrübə proqramları ilə tələbələrə geniş imkanlar verir. Avropanın bir çox ölkələrində təcrübə proqramları var. Bu təcrübə proqramları tələbələrin üzünə iş dünyasının qapılarını açmaqla yanaşı, onlara müxtəlif mədəniyyətləri tanımaq və beynəlxalq şəbəkə qurmaq imkanı verir.
Avropa ölkələrində bir çox fərqli sektor və şəhərlərdə tələbələr üçün müxtəlif təcrübə imkanları mövcuddur. Londonun maliyyə mərkəzindən Berlinin innovativ texnologiya şirkətlərinə, Parisin moda dünyasından Amsterdamın yaradıcı sənayelərinə qədər geniş praktika imkanları var.
Gəlin Avropada tələbələr üçün praktika imkanları haqqında daha ətraflı məlumat alaq.
Avropada tələbələr hansı sahələrdə təcrübə keçə bilərlər?
Tələbələrin Avropada müxtəlif sahələrdə təcrübə keçmək imkanları var.
Avropada tələbələrin praktika keçə biləcəyi sahələr və həmin sahələrdə təcrübələrin ən çox olduğu Avropa ölkələrindən bəziləri bunlardır:
Maliyyə və bank işi. Böyük maliyyə mərkəzləri kimi London, Frankfurt və Sürix kimi şəhərlər tələbələr üçün müxtəlif bank və maliyyə sahəsində praktika keçə bilərlər.
Texnologiya və İnformasiya Texnologiyaları (İT). Berlin, Dublin və Amsterdam kimi şəhərlərdəki texnologiya şirkətləri proqram təminatının hazırlanması, məlumat analitikası və kibertəhlükəsizlik sahələrində təcrübə proqramları var.
Mühəndislik. Avtomobil, elektrik və maşınqayırma kimi sahələrdə təcrübə imkanları Almaniya, İsveç və Fransa kimi ölkələrdə geniş yayılmışdır.
Moda və dizayn. Paris, Milan və London kimi moda mərkəzlərində moda dizaynı, tekstil mühəndisliyi və moda marketinqi kimi sahələrdə təcrübə keçmək mümkündür.
Sağlamlıq və biotexnologiya. Tələbələr səhiyyə sektorunda xəstəxanalarda, tədqiqat laboratoriyalarında və biotexnologiya şirkətlərində təcrübə keçə bilərlər. Bu sahədə ən çox təcrübə proqramlarının olması ilə İsveçrə, İsveç və Hollandiya seçilir.
İncəsənət və mədəniyyət. Muzeylərdə, qalereyalarda, teatrlarda və mədəniyyət müəssisələrində incəsənətin idarə edilməsi, muzeyşünaslıq və mədəni layihələrin idarə edilməsi kimi sahələrdə Avropada praktika imkanları var. Xüsusilə Paris, Roma, Vyana kimi şəhərlər bu sahələrdə daha çox praktikaya sahibdir.
Marketinq və biznes. Beynəlxalq şirkətlər, reklam agentlikləri və startaplar marketinq, biznesin idarə edilməsi və sahibkarlıq sahəsində təcrübə imkanları təklif edir. London, Berlin və Madrid kimi şəhərlər bu sahədə bir çox təcrübə proqramları mövcuddur.
Beynəlxalq münasibətlər və siyasət. Brüssel, Strasburq, Cenevrə kimi şəhərlərdə beynəlxalq təşkilatlarda, Avropa İttifaqı institutlarında və qeyri-hökumət təşkilatlarında təcrübə keçə bilərsiniz.
Turizm və otelçilik. Avropa turzmin ən inkişaf etdiyi ölkələrə sahib olduğuna görə bu sahələrdə geniş təcrübələr var. Turizm şəhərlərində və tətil bölgələrində otel idarəçiliyi, turizm menecmenti və tədbirlərin təşkili kimi sahələrdə praktika keçə bilərsiniz. Barselona, Paris və Roma kimi şəhərlər bu sahələrdə xüsusilə seçilir.
Ətraf mühit elmləri və davamlılıq. Ətraf mühitin mühafizəsi, davamlı kənd təsərrüfatı və bərpa olunan enerji sahəsində təcrübə imkanları Norveç, Danimarka və Almaniya kimi ölkələrdə geniş yayılıb.
Qeyd olunan ölkələr də daxil olmaqla Avropanın bir çok ölkələrində tələbələr üçün müxtəlif təcrübə proqramları var.
Avropada tələbələr üçün təcrübə proqramın ən çox olduğu şəhərlər
Təcrübə imkanları baxımından Avropanın ən məşhur ölkələri və şəhərləri:
- Şimali Avropa: Norveç, Danimarka, İsveç, Birləşmiş Krallıq və İrlandiya
- Cənubi Avropa: İtaliya, Yunanıstan, Portuqaliya, Xorvatiya
- Şərqi Avropa: Polşa, Çexiya, Macarıstan
- Qərbi Avropa: Fransa, Hollandiya, Almaniya
(Mənbə: https://www.gooverseas.com/ )
Avropadakı ən məşhur təcrübə proqramları
Avropanın ən məşhur təcrübə proqramları bunlardır:
Erasmus+ Təcrübə Proqramı. Erasmus+ təcrübə proqramı dünyanın hər yerindən olan universitet tələbələri üçün olan təcrübə proqramıdır. Bu proqrama qatılmaqla tələbələr təhsil aldıqları sahələrdə təcrübə keçmək və mədəniyyətlərarası bacarıqlarını təkmilləşdirmək şansı əldə edirlər.
Proqram tələbələrə maliyyə dəstəyi məqsədilə təqaüd də verir və təcrübə müddəti 2 aydan 12 aya qədərdir.
IAESTE (Beynəlxalq Tələbə Mübadilə Proqramı). IAESTE mühəndislik, texnologiya və elm sahələrində təhsil alan tələbələri üçün beynəlxalq təcrübə proqramıdır. Bu proqram real dünya təcrübəsi təqdim etməklə tələbələrə akademik biliklərini praktikada tətbiq etməyə kömək edir.
IAESTE 80-dən çox ölkədə fəaliyyət göstərir və 6-12 həftə aralığındadır.
AIESEC. AIESEC gənclərə liderlik və peşəkar inkişaf imkanları təqdim edən qlobal təşkilatdır. Bu proqramaş qoşulan təlbələr sahibkarlıq, marketinq, menecment və bir çox başqa sahələrdə təcrübə imkanı əldə edirlər.
AIESEC təcrübələri 6 aydan 12 aya qədər davam edir.
Avropa Könüllülük Xidməti (EVS). EVS-ə qoşulanlar ətraf mühit, təhsil, mədəniyyət və sosial xidmətlər kimi sahələrdə beynəlxalq layihələrdə iştirak edirlər.
EVS 17-30 yaş arası gənclər üçün olan proqramdır və 2 həftədən 12 ayadək müddətində olur.
Proqram tələbənin yaşayış və yemək xərcini qarşılayır, əlavə olaraq da müəyyən miqdar təqaüd verir.
(Mənbə: https://www.gooverseas.com/internships-abroad/europe )
Avropadakı təcrübə proqramlarına necə müraciət etmək olar?
Avropada təcrübə proqramlarına müraciət etməzdən əvvəl mütləq araşdırma aparın və hansı proqrama uyğun olduğunuza qərar verin. Hər bir təcrübə proqramının tələbləri fərqlidir. Araşdırma zamanı hansı tələblərə daha çox uyğun olduğunuzu müəyyənləşdirmək qəbul şansınızı daha da artıracaq.
Proqramı müəyyənləşdirdikdən sonra tələb olunan sənədləri toplayın. Sənədlər proqramlar arasında fərqli olsa da, ümumi tələblər bunlardır:
- CV
- Motivasiya məktubu
- Referans məktubu
- Akademik transkript
- Dil biliyi sertifikatı
Daha sonra bu addımlar üzrə hərəkət edin:
Ərizə formasını doldurun. Seçdiyiniz proqram üçün onlayn ərizə formasını doldurarkən məlumatların tam və dəqiq olmasından əmin olun, daha sonra təsdiqləyin.
Müsahibə prosesi. Müraciətiniz qəbul edilərsə, müsahibə mərhələsinə keçəcəksiniz. Bu mərhələdə sizin motivasiyanız və uyğunluğunuz qiymətləndirilir. Müsahibəyə yaxşı hazırlaşaraq özünüzü ən yaxşı şəkildə ifadə edin ki, proqramda iştirak şansı əldə edəsiniz.
Qəbul və hazırlıq. Qəbul edildikdən sonra viza proseduru, yaşayış və səyahət planlamalarına başlayın. Eyni zamanda təcrübə keçəcəyiniz ölkə və şirkət haqqında araşdırma edərək məlumat toplayın.
Viza və icazələr. Avropada təcrübə keçmək üçün lazımi vizaları və iş icazələrini əldə edin. Bu proses çox vaxt vaxt apardığından mümkün qədər erkən müraciət etmək lazımdır.
Həmçinin viza cavabında gecikmələr ola biləcəyinə görə qəbul məktubu aldıqdan sonra vaxt itirmədən vizaya müraciət olunmalıdır.
Sığorta. Sağlamlıq və səyahət sığortası alaraq təcrübəniz zamanı qarşılaşa biləcəyiniz sağlamlıq problemlərinə qarşı hazırlıqlı olun ki, problem yaşamayasınız.
Bu addımları izləməklə Avropada təcrübə keçmək üçün bütün lazımi hazırlıqları tamamlaya bilərsiniz. Qeyd edək ki, hər bir təcrübə proqramının öz müraciət prosesləri və tələbləri var, ona görə də hər bir proqramın təfərrüatlarını rəsmi veb-saytan diqqətlə nəzərdən keçirin. Yaxud da bizimlə əlaqə saxlayaraq hər bir proqram haqqında ətraflı məlumat ala və ya müraciət edə bilərsiniz.
(Mənbə: https://www.gooverseas.com/internships-abroad/europe )
Avropada təcrübə proqramının üstünlükləri
Mədəni zənginlik və dil bacarıqları. Avropada təcrübə keçmək müxtəlif mədəniyyətlərlə tanış olmaq və yeni dillər öyrənmək imkanı yaradır. Müxtəlif mədəniyyətlərdə yaşayaraq sosial əlaqələrinizi genişləndirə, biliklərinizi artıra və olduğunuz ölkənin dilini çox yaxşı formada öyrənəcəksiniz.
Peşəkar inkişaf. Avropanın aparıcı şirkətlərində işləməklə beynəlxalq biznes təcrübəsi qazanırsınız. Bu, CV-nizi gücləndirir və karyeranızda önəmli üstünlük verir.
“Network” imkanları. Beynəlxalq “network” qurulması gələcək karyera imkanları üçün vacibdir. Avropada təcrübə keçdiyiniz zaman sahənin mütəxəssisləri ilə tanış olmaqla iş imkanları əldə edərək gələcəyiniz üçün yaxşı əlaqələr qurursunuz.
Yüksək yaşayış standartı. Avropa yüksək həyat standartları və keyfiyyətli yaşayış şəraiti ilə tanınır. Təhlükəsiz və müasir şəhərlərdə təcrübə keçməklə həyat keyfiyyətinizi artıra və maraqlı, dinamik həyat yaşayırsınız.
Səyahət imkanı. Avropada təcrübə keçərkən, qitəni gəzmək və yeni yerlər kəşf etmək imkanınız var. Bu həm şəxsi, həm də peşəkar inkişafınıza töhfə verir.
Karyera üstünlüyü. Avropada uğurlu təcrübə təcrübəsi tam ştatlı iş imkanlarına qapı aça bilər. Bir çox şirkət müvəffəqiyyətli təcrübəçiləri tam ştatlı işçi kimi işə götürür. Bunu dəyərləndirərək beynəlxalq şirkətlərdə yaxşı gəlir sahibi olmaq imkanınız var.
İnnovativ və dinamik iş mühitləri. Avropa texnologiya və innovasiya sahəsində lider qitədir. Burada olan yenilikçi və dinamik iş mühitlərində təcrübə keçərək sektordakı son inkişafları izləyə və ən yeni biliklərə sahib olacaqsınız.
Bu üstünlüklər Avropada təcrübənin tələbələrə verdiyi üstünlüklərdən bir hissəsidir. Avropada təcrübə keçmək həm şəxsi, həm də peşəkar inkişafınıza böyük töhfə verir.
Təcrübə proqramına qoşulmaq və bunlar da daxil olmaqla bir çox üstünlüklərdən yararlanmaq istəyirsinizsə, bizimlə əlaqə saxlayın. Marmara Group olaraq Avropadakı ən yaxşı təcrübə proqramlarına qoşulmağınıza dəstək olacağıq!
