Xaricdə təhsil bir çox tələbənin təhsil məqsədlərindəndir. Bu yolda akademik bilikdən əlavə olaraq lazımlı sənədlər var ki, qəbul zamanı bu sənədləri toplamaq mütləqdir. Onlardan biri də tələbə vizasıdır.
Xaricdə təhsil vizası xarici ölkədə təhsil almaq üçün verilən rəsmi. Bu sənəd olmadan xaricdə uzun müddət təhsil üçün yaşaya bilməzsiniz.
Viza üçün müraciət edərkən cavabın vaxtında çıxması universitetə vaxtında sənəd vermək və təhsilə başlamaq üçün önəmlidir. Ona görə də vizaya müraciət edərkən bəzi amilləri nəzərə almalısınız.
Bu bloq yazısında tələb olunan sənədlərdən tutmuş viza müsahibəsinə, maliyyə kifayətliyindən tutmuş ölkələrin spesifik tələblərinə qədər hər bir məsələni təfərrüatlı şəkildə araşdıracaq və sizə müraciətinizin uğurlu olması etməli olduqlarınızı deyəcəyik.
Xaricdə tələbə viza müraciət prosesi haqqında məlumat alın
Xaricdə təhsil vizası almaq üçün atmalı olduğunuz ilk addım tələbə vizası müraciəti prosesini düzgün başa düşməkdir.
Viza müraciəti prosesin ən vacib mərhələlərindən biridir və diqqətlə planlaşdırılmalıdır. Ona görə müraciət prosesini başa düşdükdən sonra lazımi sənədləri toplamaq və formaları doldurmaq bu prosesi asanlaşdıracaq.
Məlumat alan zaman ilk öncə təhsil almağı planlaşdırdığınız ölkənin tələbə vizası tələblərini hərtərəfli araşdırmalısınız. Hər bir ölkənin viza müraciət prosesi və tələbləri fərqli ola bilər. Gedəcəyiniz ölkənin tələblərini bilmək sənədləri düzgün hazırlamağın əsasıdır.
Bilməli olduğunuz tələblərə bunlar daxildir:
- Viza tipi
- Ərizə forması
- Tələb olunan sənədlər
- Müraciət haqqının məbləğini
- Görüş zamanı nələrin lazım olduğunu
Xaricdə təhsil vizası üçün lazım olan sənədləri düzgün hazırlayın
Xaricdə tələbə vizası müraciətinizin uğurlu olması üçün lazımi sənədləri dəqiq və tam şəkildə hazırlamaq çox vacibdir. Sənədlər yanlış olduqda və ya əskik olduqda onun yenidən təqdim olunması istənilir ki, bu da vizanın gecikməsinə səbəb olur.
Ona görə də tam və düzgün sənədlərin olması viza müraciətinizin uzanmasının qarşısını alır.
Hər bir ölkədə tələb olunan sənədlər fərqli olsa da, ümumilikdə viza üçün tələb olunan sənədlərə bunlar daxildir:
- Şəxsiyyət vəsiqəsi
- Şəkil
- Qəbul məktubu
- Maliyyə vəziyyətini göstərən sənəd
- Sağlamlıq sığortası:
- Dil biliyi sertifikatı (TOEFL, IELTS kimi)
- Akademik transkript və diplom
Viza görüşünə hazırlıqsız getməyin
Viza müraciəti prosesində vacib addımlardan biri viza müsahibəsidir. Bu, müraciətinizi qiymətləndirən konsulluq və ya səfirlik əməkdaşların sizin vizanızı müsbət qiymətləndirməsi üçün olan prosesdir.
Müsahibəyə yaxşı hazırlaşmaq viza müraciətinizin uğurlu olma şansını əhəmiyyətli dərəcədə artırır.
Viza müsahibəsinə hazırlaşarkən diqqət etməli olduğunuz bəzi vacib məqamlar bunlardır:
Müsahibə suallarına hazırlaşın. Viza müsahibəsi zamanı sizə verilə biləcək sualları təxmin etmək və bu suallara hazır olmaq böyük üstünlükdür.
Müsahibə zamanı adətən sizə təhsil planlarınız, maliyyə vəziyyətiniz, niyə həmin ölkə və universiteti seçdiyiniz, məzun olduqdan sonra planlarınızla bağlı suallar verilir. Bu suallara cavab verərkən dürüst, aydın və ardıcıl olmağa diqqət edin.
Sənədlərinizi əskiksiz hazırlayın. Müsahibəyə gedərkən tələb olunan bütün sənədlərin əsli və surətinin sizində olması vacibdir.
Şəxsiyyət vəsiqəsi, qəbul məktubu, maliyyə sənədləri, sağlamlıq sığorta kimi sənədlərin tam olduğundan əmin olun
Müsahibə zamanı gecikməyin və hazırlıqlı gedin. Viza müsahibəsinə vaxtında gəlmək, müsahibə zamanı sakit və inamlı olmaq da diqqət etməli olduğunuz məqamlardandır.
Klassik və səliqəli geyim geyinmək müsbət təəssürat yaratmağa kömək edir.
Eyni zamanda söhbət zamanı göz təması qurmaq və qarşı tərəfi diqqətlə dinləmək ünsiyyətinizi gücləndirir. Müsahibə zamanı danışarkən isə dürüst və səmimi olun. Çünki sənədlərinizlə danışdığınız məlumatların uyğun olması mütləqdir.
Viza müsahibəsi üçün yaxşı hazırlıq görərək, özünüzü və planlarınızı səlahiyyətli orqanlara ən yaxşı şəkildə ifadə edə və viza müraciətinizin uğurlu olma ehtimalını artıra bilərsiniz. Unutmayın ki, yaxşı hazırlıq və özünə inam uğurlu viza müsahibəsinin açarıdır.
Xaricdə təhsil vizasına mümkün qədər erkən müraciət edin
Xaricdə təhsil vizası üçün mümkün qədər tez müraciət etmək prosesin rahat keçməsi üçün mütləqdir. Viza müraciəti prosesi vaxt apara bilər və gözlənilməz gecikmələr baş verə bilər. Bu gecikmələr universitetə başlamağınıza gecikdirə və əlavə problemlərin yaranmasına səbəb ola bilər. Ona görə vizaya vaxtında müraciət etmək tədris prosesinə vaxtında başlamağınız üçün lazımdır.
Bundan əlavə, səfirlik və konsulluqların məşğul olduğu dövrlərdə, rəsmi tətil günlərində də gecikmələrin olduğunu nəzərə alıb, müraciəti ona görə planlaşdırmaq lazımdır.
Xaricdə təhsil və viza proseslərinizin uğurlu olması üçün Marmara Group-a müraciət edə bilərsiniz. Peşəkar mütəxəssislərimiz vaxtında vizanızı alaraq təhsilinizə rahat başlamağınıza dəstək olacaq!
