Litvada tələbələr müxtəlif təcrübə proqramlarına qoşula bilərlər. İnkişaf edən ölkə olaran Litvadakı təcrübə proqramlarına qoşulmaqla tələbələr beynəlxalq mühitə adaptasiya olurlar və kariyeralarına yaxşı başlanğıc edirlər.
Bu yazımızda sizə Litvada təcrübə proqramlarının üstünlükləri, populyar təcrübə sahələri, təcrübə proqramı tapmağın yolları və tələbələrin bu imkanlardan necə faydalana biləcəkləri haqqında məlumat verəcəyik.
Litvada praktika keçməyin hansı üstünlükləri var?
İlk növbədə, Litvada təcrübə keçmək tələbələrə beynəlxalq iş təcrübəsi qazanmaq və müxtəlif mədəniyyətlərlə tanış olmaq imkanı verir. Bununla yanaşı, tələbələr praktika müddətində ingilis dili bacarıqlarını da inkişaf etdirirlər.
Bir çox şirkət və təşkilat Litvada fəaliyyət göstərir. Bu səbəbdən də tələbələr beynəlxalq layilərdə real iş mühitilə tanış olub, iş etikası, zamanın idarəedilməsi və komanda işi kimi vacib bacarıqlar əldə edirlər.
Litvada tələbələr hansı təcrübə keçə bilərlər?
Litva, tələbələr üçün geniş təcrübə imkanları təqdim edən inkişaf etmiş ölkədir. Burada tələbələr müxtəlif sahələrdə praktika keçərək öz bacarıqlarını inkişaf etdirirlər.
Litvada praktika üçün ən məşhur sahələrə bunlar aiddir:
Texnologiya və İnformasiya Texnologiyaları (IT). Texnologiya və informasiya texnologiyaları (IT) sahəsi, Litvada ən populyar təcrübə sahələrindən biridir. Vilnüs və Kaunas kimi şəhərlərdə çox sayda texnologiya şirkəti və startap fəaliyyət göstərir. Bu şirkətlər tələbələrə proqramlaşdırma, veb, kibertəhlükəsizlik və data analitikası sahələrində geniş təcrübə imkanları təqdim edir.
Litva, həmçinin Baltikyanı ölkələrdə IT sahəsində lider ölkədir ki, bu da praktikada olan tələbələrə sektorda olan qlobal trendlərlə tanış olmaq üstünlüyü verir.
Maliyyə və bankçılıq. Litva, Avropanın maliyyə mərkəzlərindən biri olaraq tanınır və burada bir çox beynəlxalq bank və maliyyə qurumu fəaliyyət göstərir. Tələbələr maliyyə və bankçılıq sahəsində təcrübə keçərək, mühasibatlıq, investisiya, risk idarəetməsi və maliyyə analizi kimi sahələrdə praktiki biliklər əldə edə bilərlər. Bu sahədə təcrübə keçmək tələbələrə qlobal maliyyə bazarları haqqında dərin biliklər verir və gələcək karyeralarında uğur qazanmalarına kömək edir.
Səhiyyə və biotexnologiya. Litvanın səhiyyə sistemi və biotexnologiya sektoru sürətlə inkişaf edir və bu sahədə təcrübə keçmək tələbələr üçün böyük imkanlar yaradır. Tibb fakültələrində təhsil alan tələbələr, Litvada xəstəxanalar, klinikalar və tədqiqat mərkəzlərində təcrübə keçə bilərlər.
Biotexnologiya sahəsində isə tələbələr laboratoriya işləri, tədqiqat layihələri və farmasevtik şirkətlərdə praktiki təcrübələr əldə edə bilərlər.
Təhsil və akademik araşdırmalar. Litvadakı universitetlər və tədqiqat mərkəzləri tələbələrə müxtəlif layihələrdə iştirak etmə və tədqiqat işləri aparma imkanı yaradır. Bu sahədə təcrübə keçmək tələbələrin akademik biliklərini dərinləşdirmələrinə və tədqiqat bacarıqlarını inkişaf etdirmələrinə kömək edir.
Bunlar da daxil olmaqla Litvada bir çox sahədə praktika keçə bilərsiniz.
(Mənbə: https://piktalent.com/countries/lithuania/ )
Litvadakı beynəlxalq təcrübə proqramları
Litvada mövcud olan bəzi tanınmış beynəlxalq təcrübə proqramları bunlardır:
Erasmus+. Erasmus+ proqramı, Avropa İttifaqı tərəfindən maliyyələşdirilən və tələbələrə xaricdə təhsil, iş və praktika imkanları təklif edən bir proqramdır.
Litvanya universitetləri və müəssisələri, Erasmus+ çərçivəsində tələbələri qəbul edir.
Bu proqram vasitəsilə tələbələr akademik biliklərini real iş mühitində tətbiq etməklə təcrübə qazanırlar.
Erasmus+ praktika imkanı ilə bərabər, tələbəyə təqaüd, səyahət və yaşayış xərclərini qarşılamaq üçün maliyyə dəstəyi də verir. Bu proqramın müddəti 2 aydan 12 ayadəkdir.
Erasmus+ proqramına müraciət etmək üçün təhsil aldığınız universitetin beynəlxalq və ya kariyera mərkəzinə müraciət etməlisiniz.
AIESEC. AIESEC, dünya üzrə gənclərə sosial inkişaf və beynəlxalq iş təcrübəsi verən təşkilatdır. Dünyanın bir çox ölkəsində olan bu təşkilar Litvada da fəaliyyət göstərir.
18-30 yaş arası gənclər üçün nəzərdə tutulmuş bu proqram, tələbələrə 6 həftədən 18 ayadək praktika imkanı verir.
Proqrama müraciətlər, AIESEC-in rəsmi veb saytı üzərindən edilir.
EYE (Erasmus for Young Entrepreneurs). Erasmus for Young Entrepreneurs, çalışan və müəyyən kariyerası olan tələbələrə əlavə təcrübə qazanmaları üçün olan proqramdlr.
Proqram, iştirakçılara səyahət və yaşayış xərcləri üçün maliyyə dəstəyi təmin edir və 1 ilə 6 ay arasında davam edir.
Bu proqramlar, Litvadakı beynəlxalq təcrübə proqramlarından bəziləridir. Hər bir proqram haqqında daha ətraflı məlumat almaq və müraciət prosesinə başlamaq üçün bizə müraciət edə bilərsiniz.
Litvada təcrübə proqramı tapmağın yolları
Litvada təcrübə tapmaq üçün bir neçə yol var. Universitetlərin kariyera mərkəzləri tələbələrə təcrübə imkanları haqqında məlumat verir və onlara müraciət prosesi haqqında yol göstəririlər. Təhsil aldığınız universitetin kariyera və ya beynəlxalq mərkəzinə yaxınlaşmaqla bu xidmətdən yararlana bilərsiniz.
Bununla yanaşı, LinkedIn kimi online platformalarında da təcrübə proqramları haqqında elanlar paylaşılır. Sizə maraqlı olan beynəlxalq layihələri izləyib proqram elan olunarkən müraciət edə bilərsiniz.
Həmçinin Litvadakı şirkətlər öz veb-saytları və sosial media hesabları da təcrübə imkanları haqqında məlumatlarlar verirlər. Tələbələr sosial şəbəkələrdə şirkətləri izləməklə maraqlı təcrübə imkanlarını tapa və müraciət edə bilərlər.
Litvada təcrübə proqramına necə müraciət edilir?
Litvada təcrübə proqramına müraciət etmək üçün bu addımları atmaq lazımdır:
Proqram seçim. Əvvəlcə hansı təcrübə proqramında iştirak etmək istədiyinizi müəyyən etmək üçün araşdırma aparın. Hər bir proqramın tələbləri fərqli olduğundan hansına uyğun olduğunuzu dəqiqləşdirdikdən sonra müraciət etmək qəbul şansınızı artıracaq.
Tələb olunan sənədləri hazırlayın. Müraciət etmək istədiyiniz proqramın tələb etdiyi sənədləri hazırlayın. Sənədlər proqramdan asılı olaraq fərqlənsə də, ümumilikdə bunlardır;
- CV
- Motivasiya məktubu
- Dil bilik sertifikatı
- Referans məktubları
- Doldurulmuş ərizə forması
Universitetinizin müvafiq ofisi ilə əlaqə saxlayın. Əgər siz universitet tələbəsiysinizsə, Erasmus+ kimi proqramlara müraciət prosesi haqqında məlumat almaq və müraciət etmək üçün universitetinizin beynəlxalq əlaqələri və ya karyera ofisinə müraciət edin.
Ərizə qəbulundan sonrakı prosesə hazırlaşın. Müraciətiniz qəbul olunduqdan sonra, yaşayış yerinizi müəyyənləşdirin və təcrübə proqramı təqaüd verirsə, həmin təqaüdün təmin etdiyi amilləri dəqiqləşdirin.
Viza və səyahət hazırlıqları. Litvaya təcrübə üçün getmək üçün lazımi viza prosedurlarını tamamlayın və səyahət hazırlıqlarınızı edin. Vizaya mümkün qədər erkən müraciət etməyiniz bu zaman önəmlidir.
Çünki viza müəyyən səbəblərdən geciksə, proqrama başlamağınız mümkün olmaya bilər. Bu səbəbdən də mümkün gecikmələri nəzərə alaraq viza müraciətinə gecikməmək lazımdır.
Maliyyə dəstəyi və təqaüdlər. Bir çox təcrübə proqramı iştirakçılara səyahət və yaşayış xərclərini ödəmək üçün maliyyə dəstəyi və ya təqaüd verir. Müraciət etdiyiniz proqramın təklif etdiyi maliyyə dəstəyi imkanları haqqında məlumat əldə edin və bu təqaüdü almaq üçün lazımi müraciətləri edin.
Bu addımları yerinə yetirməklə Litvada beynəlxalq təcrübə proqramlarına müraciət edə və karyeranız üçün mühüm təcrübə qazana bilərsiniz.
Litvada praktika imkanlarını dəyərləndirmək üçün Marmara Group-la əlaqə saxlaya bilərsiniz! Mütəxəssislərimiz təqaüdlü təcrübə proqramlarına qoşulmağınıza dəstək olacaq!
