Xaricdə yaşamaq, yeni mədəniyyətlə tanış olmaq və fərqli ölkədə özünü inkişaf etdirmək bir çox insanın xəyalıdır. Ancaq bu prosesdə hansı şəhərdə yaşamaq istədiyinizə qərar vermək, bu təcrübənin keyfiyyətini təyin edən ən mühüm amillərdən biridir.
Xaricdə yaşamaq üçün ən yaxşı şəhərlər yüksək həyat standartları ilə yanaşı, tolerant sosial quruluşu, biznes və təhsil imkanları olan, eyni zamanda mədəni zənginlik və sosial həyat kimi bir çox aspektdə üstünlüyü olan şəhərlərdir.
Bəs bu şəhərlər hansılardır? Bu bloqumuzda sualın cavabını tapacaqsınız.
Xaricdə yaşamaq üçün ən yaxşı şəhərlər hansılardır?
Xaricdə yaşamaq üçün ən yaxşı TOP-10 şəhər və onların üstün olma səbəbləri bunlardır:
1. Vankuver, Kanada
Vankuver Kanadanın ən çox seçilən şəhərlərindən biridir və yüksək həyat keyfiyyəti ilə diqqət çəkir. Şəhər xüsusilə texnologiya, kino sektoru və təbiət elmləri kimi sahələrdə güclü karyera imkanlarına malikdir. Vankuverdə həmçinin sahibkarlıq üçün də əlverişli mühit var.
Burada yerləşən British Columbia Universiteti (UBC) və Simon Fraser Universiteti dünya miqyasında nüfuzlu universitetlərdir və beynəlxalq tələbələrə geniş proqramlar təklif edir.
2. Melburn, Avstraliya
Melburn Avstraliyanın mədəniyyət mərkəzi kimi tanınır. Mədəniyyəti, yüksək həyat standartı ilə xaricilər üçün ən yaxşı şəhərlərdən biridir. Şəhər, informasiya texnologiyaları, maliyyə, səhiyyə və yaradıcı incəsənət sahələrində geniş karyera imkanları təklif edir.
Buradakı Melburn Universiteti və Melburndakı Monaş Universiteti dünyanın ən yaxşı universitetləri sırasındadır və beynəlxalq tələbələrə geniş təhsil imkanları təklif edir.
3. Sürix, İsveçrə
Sürix maliyyə və bank sektorunun mərkəzi kimi tanınır və bu sahədə karyera qurmaq istəyən xaricilər üçün ideal yerdir. Şəhərdəki iri banklar və maliyyə qurumları iş imkanları baxımından zəngindir.
ETH Zurich (İsveçrə Federal Texnologiya İnstitutu) beynəlxalq tələbələr üçün hərtərəfli proqramlar təklif edən mühəndislik və texnologiya sahəsində dünya üzrə aparıcı təhsil müəssisəsidir.
4. Kopenhagen, Danimarka
Kopenhagen illərdir həyat tərzi və yüksək həyat standartı ilə dünyada seçilən şəhərdir. Şəhər biotexnologiya, bərpa olunan enerji və dizayn kimi sahələrdə karyera imkanları təklif edir.
Habelə Avropanın ən prestijli universitetlərindən biri olan Kopenhagen Universiteti müxtəlif fənlər üzrə yüksək keyfiyyətli təhsilə sahibdir.
5. Amsterdam, Hollandiya
Amsterdam mədəni zənginliyi, tolerantlığı və beynəlxalq biznes imkanları ilə tanınır. Şəhər maliyyə, texnologiya və yaradıcı sənaye sahələrində güclü karyera imkanlarına malikdir.
Amsterdam Universiteti və Vrije Universiteit Amsterdam beynəlxalq tələbələrə müxtəlif fənlər üzrə dünya səviyyəli təhsil təklif edir.
6. Berlin, Almaniya
Almaniyanın paytaxtı və mədəniyyət mərkəzi kimi Berlin texnologiya, media, incəsənət və siyasət sahələrində karyera qurmaq istəyənlər üçün idealdır. Şəhər aşağı yaşayış xərcləri və geniş iş imkanları ilə gənc mütəxəssisləri özünə cəlb edir.
Humboldt Universiteti və Technische Universität Berlin mühəndislik, sosial elmlər və informasiya texnologiyaları kimi sahələrdə dünya şöhrətli proqramlar üzrə təhsil verir.
7. Toronto, Kanada
Toronto Kanadanın ən böyük və ən kosmopolit şəhərlərindən biridir. Maliyyə, texnologiya, media və təhsil sektorlarında geniş karyera imkanları təklif edən Toronto həm də beynəlxalq tələbələr və iş üçün xaricə gedənlər üçün cəlbedici bir yerdir.
Burada yerləşən Toronto Universiteti mühəndislik, tibb və sosial elmlər kimi sahələrdə dünyaca məşhur proqramlar üzrə keyfiyyətli təhsil verir.
8. Sidney, Avstraliya
Sidney Avstraliyanın ən böyük şəhərlərindən biridir. Burada maliyyə, texnologiya, turizm və yaradıcı sənaye sahələrində güclü karyera imkanları var.
Sidney Universiteti və Yeni Cənubi Uels Universiteti beynəlxalq tələbələrə geniş proqramlar təklif edir və bunlar dünyanın ən prestijli universitetləri sırasındadır.
9. Sinqapur
Sinqapur Asiyanın ən mühüm maliyyə mərkəzlərindən biri kimi tanınır. Maliyyə mərkəzi olan ölkədə xaricilər üçün iş imkanları da olduqca genişdir. Belə ki, burada bank işi, texnologiya və biotexnologiya sahələrində güclü iş imkanları var.
Sinqapur Milli Universiteti (NUS) və Nanyang Texnologiya Universiteti (NTU) beynəlxalq tələbələrə yüksək keyfiyyətli təhsil təklif edən dünya miqyasında tanınan universitetlərdir.
10. Münhen, Almaniya
Münhen Almaniyanın ən zəngin şəhərlərindən biridir və xüsusilə avtomobil, mühəndislik və texnologiya sahələrində güclü karyera imkanları təklif edir. BMW, Siemens, Allianz kimi böyük şirkətlərə ev sahibliyi edən şəhər iş imkanları baxımından çox zəngindir.
Burada yerləşən Münhen Ludwig Maximilian Universiteti (LMU) və Technische Universität München (TUM) beynəlxalq tələbələrə geniş təhsil imkanları təklif edən nüfuzlu universitetlərdir.
(Mənbə: https://www.expatistan.com/cost-of-living və https://www.forbes.com/ )
Bu şəhərlər yüksək həyat keyfiyyəti, geniş karyera imkanları və dünyaca məşhur təhsil müəssisələri ilə xaricilər üçün ideal yerlər sırasındadır. Əgər xaricdə yeni həyata başlamaq fikrindəsinizsə, bu şəhərlər sizə həm peşəkar, həm də şəxsi baxımdan böyük imkanlar təklif edəcək. Hər bir halda istər təhsil, istərsə də iş imkanları üçün ölkə seçərkən yaşam xərclərindən tutmuş ölkələrin mədəniyyətlərinə qədər hər detalı analiz etməyiniz həmin ölkədə olarkən rahatlıq və rifahınız üçün önəmlidir.
