Türkiyədə təhsil almaq azərbaycanlı tələbələr üçün həm əlçatan, həm də gələcək karyera baxımından sərfəli seçimlərdən biridir. Lakin Türkiyədə yüzlərlə universitet fəaliyyət göstərdiyindən, hansını seçmək lazım olduğunu müəyyənləşdirmək bəzən çətindir.
Univetsitet seçimində sizə kömək etmək üçün yazımızda dövlət və özəl universitetlər arasında əsas fərqlər, ən çox seçilən universitetlər, reytinglər, təhsil haqları, təqaüd imkanları və ixtisas seçimi baxımından müqayisələri təqdim edirik.
Dövlət universitetləri vs Özəl universitetlər
| Dövlət universitetləri | Özəl universitetlər | |
| Təhsil haqları | Aylıq və ya illik olaraq çox münasib | Nisbətən yüksək təhsil haqları |
| Təqaüd imkanları | Dövlət təqaüdləri və YTB proqramları | Universitet daxili və özəl fond təqaüdləri |
| Qəbul prosesi | YÖS imtahanı və ya attestatla | Attestat, SAT, motivasiya məktubu və s. |
| Təhsil keyfiyyəti | Bir çox dövlət universiteti beynəlxalq akkreditasiyalı | İnnovativ tədris metodları, fərdi yanaşma |
| Kampus və infrastruktur | Geniş imkanlar, bəzi universitetlərdə modern avadanlıq | Texnologiya baxımından daha yenilənmiş mühit |
Ən çox seçilən TOP Türkiyə universitetləri
1. İstanbul Universiteti (Dövlət) – Türkiyənin ən qədim və nüfuzlu universitetlərindən biridir. Tibb, hüquq, ədəbiyyat və təbiət elmləri sahəsində lider mövqedədir. Mərkəzi yerləşməsi və tarixi mirası ilə önə çıxır.
2. Hacettepe Universiteti (Dövlət) – Xüsusilə tibb və səhiyyə ixtisasları üzrə ölkənin lider universitetidir. Ankara şəhərində yerləşir və yüksək akademik reytinqə malikdir.
3. Boğaziçi Universiteti (Dövlət) – Dünya miqyasında tanınan universitetlərdən biridir. Təhsil dili ingilis dilidir və mühəndislik, biznes və kompüter elmləri sahəsində güclüdür.
4. İstanbul Teknik Universiteti (İTÜ) (Dövlət) – Texniki sahələrdə – mühəndislik, arxitektura, İT və ətraf mühəndisliyi üzrə ixtisaslaşmışdır. Qlobal layihələrdə iştirak edən tələbələr üçün ideal məkandır.
5. Koç Universiteti (Özəl) – Türkiyənin ən prestijli özəl universitetlərindən biridir. Təhsil dili tamamilə ingilis dilidir. Akademik heyət və beynəlxalq əlaqələr baxımından çox güclüdür. Təqaüdlə qəbul olmaq mümkündür.
6. Sabancı Universiteti (Özəl) – İnterdisiplinar təhsil modeli ilə tanınır. Tələbələr ixtisas seçimlərini birinci kursdan sonra edirlər. Araşdırma yönümlü yanaşma, beynəlxalq təcrübələr və yüksək texnologiyalarla təchiz olunmuş kampusla seçilir.
7. Başkent, İstanbul Aydın, Yeditepe, Altınbaş, İstanbul Medipol (Özəl) – Bu universitetlər təhsil, səhiyyə, mühəndislik, biznes və hüquq sahələrində müxtəlif imkanlar təqdim edir. Qəbul şərtləri daha elastikdir və xarici tələbələr üçün geniş təqaüd imkanları mövcuddur.
Türkiyədə təhsil haqları və təqaüdlər
Dövlət universitetlərində təhsil haqları illik olaraq təxminən 300 – 1000 USD arasında dəyişir. Özəl universitetlərdə isə bu rəqəm 3000 – 15 000 USD arasında dəyişə bilər. Lakin özəl universitetlər çox zaman 100%-ə qədər təqaüdlər təklif edir. Təqaüd üçün müraciət zamanı akademik göstəricilər, motivasiya məktubu, sertifikatlar və sosial fəaliyyətlər önəm daşıyır.
Tədris dili və beynəlxalq əlaqələr
Türkiyədə bəzi universitetlərdə tədris yalnız türk dilində aparılsa da, bir çox nüfuzlu universitetlər ingilis dilli proqramlar təklif edir. Xüsusilə mühəndislik, beynəlxalq münasibətlər, biznes idarəçiliyi kimi ixtisaslarda ingilis dilində təhsil almaq mümkündür. Bundan əlavə, bir çox universitetin Erasmus+, Mevlana və digər beynəlxalq proqramlarla əməkdaşlığı var ki, bu da tələbələrə xaricdə mübadilə imkanı yaradır.
Universitet seçərkən nələrə diqqət etməlisiniz?
- İxtisas üzrə universitetin reytingi və mütəxəssis hazırlığı
- Tədris dili (türk və ya ingilis)
- Təqaüd imkanları və təhsil haqları
- Kampus həyatı, tələbə dəstəyi və yerləşdirmə xidmətləri
- Universitetin yerləşdiyi şəhər və yaşayış xərcləri
- Məzun olduqdan sonra iş imkanları və diplomun tanınması
Türkiyədə universitet seçmək təkcə təhsil müəssisəsini deyil, gələcək həyat tərzini də seçmək deməkdir. Hər universitetin özünəməxsus üstünlükləri var və düzgün seçim sizi uğurlu karyeraya bir addım daha yaxınlaşdıracaq.
Əgər hələ də hansı universitetin sizə uyğun olduğunu dəqiqləşdirməmisinizsə, Türkiyədə təhsil səhifəmizdə universitetlər, qəbul prosesi, sənədlər və təqaüdlərlə bağlı daha ətraflı məlumat əldə edə bilərsiniz.
Marmara Group sayəsində özünüzə uyğun universiteti seçin və gələcəyinizi düzgün istiqamətlə formalaşdırın!
