Türkiyə xarici tələbələr üçün geniş təqaüd imkanları təklif edir ki, bu da diş həkimliyi təhsili almaq istəyənlər üçün üstünlükdür. Təklif olunan təqaüdlər tələbələrin təhsil haqqını, yaşayış xərclərini, sığorta və digər xərcləri qarşılamaqla onların maddi yükünü azaldır.
Aşağıda Türkiyədə diş həkimliyi təhsili üçün mövcud olan təqaüd proqramları haqqında ətraflı məlumat veririk:
Türkiyə Bursları (Türkiye Scholarships)
Türkiyə Bursları ən geniş və prestijli təqaüd proqramlarından biridir. Hökumət tərəfindən maliyyələşdirilən bu təqaüd tələbələrin tam təhsil haqqını, aylıq təqaüdləri, yaşayış xərclərini və hətta dil kurslarını əhatə edir.
Universitet təqaüdləri
Türkiyədəki bir çox dövlət və özəl universitetlər akademik müvəffəqiyyətləri yüksək olan tələbələr üçün daxili təqaüd proqramları təklif edir. Universitetlərin öz siyasətlərinə görə təqaüd məbləği və şərtləri dəyişir.
Qeyd edək ki, diş fakültələrində yüksək nəticələr göstərən tələbələr üçün əlavə imkanlar mövcuddur.
Azərbaycan Dövlət Təqaüd Proqramı
Elm və Təhsil Nazirliyinin Dövlət təqaüd proqramı ilə də tələbələr təqaüdlə Türkiyədə tibb təhsili ala bilərlər. Bu təqaüdlərdən faydalanmaq üçün Azərbaycan Respublikasının Elm və Təhsil Nazirliyinin elan etdiyi proqramlara müraciət etmək yetərlidir.
Özəl Fondlar və Sponsorlar
Türkiyədə bəzi özəl fondlar və qeyri-hökumət təşkilatları da diş həkimliyi sahəsində təhsil almaq istəyən tələbələr üçün təqaüd proqramları təklif edir. Bu fondlara müraciət edərək fərdi dəstək almaq mümkündür.
Təqaüd imkanlarından faydalanmaq tələbələr üçün həm akademik, həm də maliyyə baxımından böyük üstünlükdür. Buna görə də təhsil planınızı qurarkən təqaüd proqramlarını diqqətlə araşdırmağı tövsiyə edirik.
Türkiyədə diş həkimliyi ixtisasının ortalama təhsil haqları
Türkiyədə diş həkimliyi üzrə təhsil haqları universitetdən (dövlət və ya özəl) və təhsil formasından asılı olaraq dəyişir. Dövlət universitetlərində təhsil haqları illik təxminən 5,000-15,000 TL aralığından başlayır. Özəl universitetlərdə isə bu rəqəm xeyli yüksək olub illik 60,000-150,000 TL aralığından başlayır və getdikcə artır.
Özəl universitetlərdə yüksək təhsil haqları daha müasir tədris imkanları və beynəlxalq akkreditasiyalı proqramlarla əlaqədardır.
Türkiyədə diş həkimliyi üzrə ixtisaslaşma imkanları
Türkiyədə diş həkimliyi təhsilini uğurla başa vuran tələbələr müxtəlif sahələrdə ixtisaslaşma imkanı əldə edirlər. İxtisaslaşma proqramları diş həkimlərinə daha spesifik sahələrdə bilik və təcrübə qazanmağa imkan yaradır.
Aşağıda ixtisaslaşmaq üçün ən çox seçilən ixtisas istiqamətlərindən bəzilərini qeyd edirik:
- Ortodontiya: Diş və çənə strukturlarının düzəldilməsi və müalicəsi üzrə ixtisaslaşma.
- Protez Diş Həkimliyi: Dişlərin bərpası və estetik protezlərin hazırlanması üzrə mütəxəssislərin yetişdirilməsi.
- Periodontologiya: Diş ətrafı toxumaların müalicəsi və profilaktikası sahəsi.
- Uşaq Diş Həkimliyi (Pedodontiya): Uşaqların diş problemlərinin diaqnostikası və müalicəsi üzrə ixtisaslaşma.
- Oral və Maksillofasial Cərrahiyyə: Çənə və ağız cərrahiyyəsi üzrə mürəkkəb prosedurların həyata keçirilməsi.
Türkiyənin bir çox universitetində bu sahələr üzrə magistratura və doktorantura proqramları mövcuddur. İxtisaslaşma həm yerli, həm də beynəlxalq səviyyədə tələbələrə geniş karyera perspektivləri təqdim edir.
Türkiyədə diş həkimliyinə qəbul şərtləri
Türkiyədə diş həkimliyi təhsili almaq istəyən tələbələr üçün qəbul şərtləri tədris pilləsindən asılı olaraq fərqlənir.
Hər tədris pilləsinə uyğun əsas qəbul tələbləri belədir:
Bakalavr Təhsili Üçün Qəbul Şərtləri:
- Orta Məktəb Attestatı: Ən azı orta təhsil attestatı ilə müraciət etmək.
- YÖS (Yabancı Uyruklu Öğrenci Sınavı) və ya SAT: Bəzi universitetlər xarici tələbələr üçün YÖS və ya SAT imtahanı nəticəsini tələb edir.
- Dil Tələbi: Türk dilində təhsil üçün TÖMER sertifikatı; ingilis dilində proqramlar üçün IELTS (minimum 6.0) və ya TOEFL (minimum 80) nəticəsi.
- Tələb olunan sənədlər: Diplom, attestat, transkript, motivasiya məktubu və referans məktubu.
Magistratura Təhsili Üçün Qəbul Şərtləri:
- Bakalavr Diplomu: Diş həkimliyi üzrə bakalavr təhsilini başa vurmaq.
- ALES İmtahanı: Əksər dövlət universitetləri ALES nəticəsini tələb edir. Özəl universitetlərdə bu tələblər yumşaq ola bilər.
- Dil Tələbi: Türk və ya ingilis dilli proqramlar üçün müvafiq dil sertifikatları (TÖMER, IELTS, TOEFL).
- Tələb olunan sənədlər: Bakalavr diplomu və transkript, motivasiya məktubu, CV və referans məktubu.
Doktorantura Təhsili Üçün Qəbul Şərtləri:
- Magistratura Diplomu: Müvafiq sahədə magistratura təhsilini başa vurmaq.
- ALES və ya GRE: Əksər universitetlər yüksək nəticəli ALES və ya GRE nəticəsi tələb edir.
- Tədqiqat Təklifi: Doktorantura proqramı üçün nəzərdə tutulan tədqiqat mövzusuna dair təklif.
- Dil Tələbi: İngilis və ya türk dilində müvafiq sertifikatların təqdim edilməsi.
- Tələb olunan sənədlər: Magistratura diplomu və transkript, tədqiqat təklifi, motivasiya məktubu, CV və referans məktubları.
Qeyd edək ki, Türkiyədə diş həkimliyi təhsilinə qəbul olmaq üçün tələbələrin akademik göstəriciləri və imtahan nəticələri ilə yanaşı motivasiya və maraqlarını da düzgün ifadə etməsi vacibdir. Eyni zamanda bu tələblər ümumidir. Hər bir universitet daxili qaydalarından asılı olaraq əlavə sənədlər də tələb edə bilər.
Türkiyədə diş həkimliyi təhsilindən sonra kariyera imkanları
Türkiyədə diş həkimliyi təhsili aldıktan sonra tələbələr üçün geniş karyera imkanları mövcuddur. Diş həkimliyini bitirənlər həm özəl, həm də dövlət sektorlarında çoxsaylı iş imkanları əldə edirlər. Onlardan bəziləri bunlardır:
Özəl Klinikalar və Praksis:
Diş həkimləri üçün ən yaygın karyera seçimlərindən biri özəl klinikalarda işləməkdir. Bir çox diş həkimi öz klinikasını açaraq sərbəst işlə təmin olunur. Bu sahədə ixtisaslaşmış diş həkimləri, ortodontiya, protez və periodontologiya kimi fərqli xidmətlər təqdim edirlər. Özəl klinikalarda çalışmaq, yüksək gəlir imkanları və sərbəst iş qrafiki təklif edir.
Dövlət Xidmətləri və Dövlət Xəstəxanaları:
Türkiyədə diş həkimləri dövlət xəstəxanalarında, klinikalarda və səhiyyə təşkilatlarında da çalışa bilərlər. Dövlət sektoru, sabit maaşlar, sosial təminatlar və təcrübə qazanmaq üçün yaxşı bir mühit təklif edir. Diş həkimləri, dövlət xəstəxanalarında, tibb mərkəzlərində və ictimai səhiyyə xidmətlərində müxtəlif müalicə prosedurları həyata keçirir.
Tədris və Tədqiqat:
Diş həkimliyi üzrə ixtisaslaşmış və doktorantura təhsili alan mütəxəssislər, universitetlərdə müəllimlik və ya tədqiqat sahəsində çalışa bilərlər. Diş həkimliyi fakultələrində akademik karyera qurmaq və yeni tədqiqat layihələrində iştirak etmək imkanı mövcuddur. Bu sahədə karyera qurmaq həmçinin yüksək akademik status və digər mükafatlar əldə etməyə imkan yaradır.
Sahə üzrə İxtisaslaşma və Sertifikasiyalar:
Diş həkimləri, ortodontiya, protez diş həkimliyi, uşaq diş həkimliyi və digər sahələrdə əlavə sertifikatlar və ixtisaslar alaraq daha yüksək gəlirli və prestijli vəzifələrdə çalışa bilərlər. Bu sahələrdə ixtisaslaşmaq, həmçinin daha böyük bir müştəri bazasına sahib olmaq və sahə üzrə mütəxəssis olmaq imkanı verir.
Türkiyədə diş həkimliyi təhsilini başa vuranlar üçün iş imkanları genişdir və çoxsaylı sahələrdə peşəkar inkişaflarını davam etdirə bilərlər. Bu sahə həm yerli, həm də beynəlxalq səviyyədə davamlı iş tələbləri olan aktual sahədir.
